كێلگه‌ها ئەترۆش یا پترۆلێ دده‌مێ ئێك هه‌يڤ دا ملیون بەرمیلێن په‌ترۆلێ بەرهەم دئینیت
ئەڤرۆ نیوز،بارزان مزووری:
كێلگەها په‌ترۆلێ یا ئەترۆش ل قەزا شێخان ئێك ژوان كێلگەهێن هەرە مەزنە ل هەرێما كوردستانێ ل سالا 2011 ئەو كێلگەها په‌ترۆلێ هاتیە دیتن، ل سالا 2017 دەست ب بەرهەمئینانا په‌ترۆلێ ب فەرمی تێدا هاتە كرن.
كۆمپانیا (ئەبو زەبی یا نیشتیمانی بۆ وزەى) د مالپەرێ خوه یێ فەرمی دا راگەهاند:لقا كومپانیا وان ل عێراقێ هژمارەكا نوو یا پێڤانەيى یا توماركری د بەرهەمئینانا په‌ترۆلێ ل كێلگەها په‌ترۆلێ ل دەڤەرا ئەترۆش ل هەرێما كوردستانێ ،بۆ ئێكەم جارە پشتی دەست ب بەرهەمئینانا په‌ترۆلێ كری ل سالا2017.
ل دووڤ راگەهاندنا كومپانیێ، د هەیڤا تەموزێ دا رێژا گشتی یێ بەرهەمئینانا په‌ترۆلێ د ئێك هەیڤ دا ل كێلگەها ئەترۆش گەهشتیە ئێك ملیون بەرمیلا په‌ترۆلێ ئەڤە ژی د دەمەكی دايه پشتى ئه‌و كيلگه‌ها په‌ترۆلى هاتيه سه‌خبێركرن وبه‌رفره‌هكرن.
ب گۆره‌ى داتایەكا دروست یا كومپانیێ كۆ رێژا بەرهەمئینانا په‌ترۆلێ ل كێلگەها ئەترۆش دگەهیتە 34 هەزار بەرمیلان د ئێك رۆژ دا ئەڤە ژی پلانا كومپانیێ بۆ د ئەڤ ساله دا.
عبدولخالق عامری،رێڤەبەرێ كارگێری یێ كومپانیا تاقە ل عێراقێ بۆ مالپەرێ فەرمی دا یێ كومپانیێ دا راگەهاند: د دو سالێن بوری دا كارەكێ مەزن یێ كری بۆ بەرفرەهكرنا كێلگەها ئەترۆش یا په‌ترۆلێ و ل دووماهیێ ئەم گەهشتینە ئەنجامێن باش یێن د پلانا كومپانیێ دا،شانازیێ ب تیما كومپانیێ دبەین كۆ ژ 300 كەسان پێك دهێت وهەموو ژى خەلكێ هەرێما كوردستانێ نە كو ب سەركەفتیانە كارێ خوه دكەن بۆ ب دەستڤەئینانا ئەنجامێن باش.