روودانا خه‌ندقينا كچا ل زاخۆ ئاشكرا بوو
ئه‌ڤرۆ نیوز، عه‌لى حاجى :
پشتى كو ل رێكه‌ڤتى 18/8/2019 كو هاتیه به‌لاڤ كرن كچه‌كا 31 سالى ل زاخۆ، خوه هاڤێژتیه دناڤ ئاڤا خابیرى دا ل زاخۆ ، پشتى لێرگه‌ریانا به‌رده‌وام یا تیمێن نقومه‌ڤانى ، دیار بو چو راستیه‌ك بو وێ چه‌ندێ نه‌بوو.
مه‌قه‌ده‌م ئارام محه‌مه‌د ، رێڤه‌به‌رێ به‌رهه‌نگاریا توندوتیژیا ئافره‌تان و خێزانێ ل دهۆكێ بۆ ئه‌ڤرۆ نیوز ئاشكرا كر كو پشتى هاتیه به‌لاڤ كرن كچه‌كا 31 سالى ل پرا خانى ل باژێرێ زاخۆ خوه هاڤێژتیه ئاڤێ دا و خه‌ندقیه، كو به‌رده‌وام تیمێن نقومه‌ڤانى ل زاخۆ لێگه‌ریانا ته‌رمى كرین، لێ ل روژا دووڤرا بابێ وێ كچێ ب شێوه‌یه‌كى فه‌رمى ل نڤێسینگه‌ها زاخۆ یا به‌رهه‌نگار بونا دژى توندوتیژیا ئاڤره‌ت و خێزانان سكالا تومار كرى،كو كه‌سه‌كێ ئه‌ڤ كچه ره‌ڤاندى یه نه‌ك خه‌ندقى یه،پشتى پولیسێن نڤێسینگه‌ها زاخۆ به‌رده‌وام دیڤچوونا بابه‌تى كرین ،دیار بوو ئه‌ڤ كچه ژلایێ ئه‌ڤیندارێ وێ ڤه هاتیه ره‌ڤاندن.
ناڤهاتى گوت ژى : ئه‌و كه‌سێ ئه‌و كچه ره‌ڤاندین ژلایێ پولیسان ڤه ل باژێرێ زاخۆ ڤه هاته ده‌ست سه‌ر كرن و لدووڤ را كچ ژى هاته ده‌ست سه‌ر كرن ، نوكه دا ئه‌و هه‌ردو كه‌سه ده‌سته سه‌ر كرینه لده‌ڤ مه، ئه‌م دیار دكه‌ین چو راستیه‌ك بو وىچ چه‌ندێ نینه كو وێ كچێ خوه خه‌ندقاند بیت دناڤ خابیرێ زاخۆ.