ژ به‌ر حه‌ژێكرنا وى يا زێده هه‌ڤژينا وى داخوازا به‌ردانێ كريه ژ دادگه‌هێ
ئه‌ڤرۆ نيوز:
ژنه‌كا ئيماراتى سكالايا به‌ردانێ ل سه‌ر هه‌ڤژينێ خوه توماركر ژ ئه‌گه‌رێ حه‌ژێكرنا وى يا زێده ديسان هه‌ڤژينێ وێ هه‌مو كارێن مال دكه‌ت و به‌رده‌وام دياريان بۆ وێ دئينت له‌ورا بوويه ئه‌گه‌ر ئه‌و هه‌ست بێزاريێ بكه‌ت.
رۆژنامه‌يا خه‌ليج يا ئيماراتى د راپورته‌كێ دا دياركريه ژنه‌كا ئيماراتى ل دادگه‌هه‌كا ئيماراتێ داخوازا به‌ردانێ كريه ژ به‌ركو هه‌ڤژينێ وێ گه‌له‌گ گرنگيێ پێده‌ت و حه‌ژێ دكه‌ت و هه‌موو كارێن مالێ دكه‌ت زێده‌بارى به‌رده‌وام دياريان بۆ دكريت، ئه‌ڤ چه‌نده بوويه ئه‌گه‌ر ئه‌و هه‌ست ب بێزاريێ بكه‌ت دگه‌ل هه‌ڤژينێ خوه ژ به‌ر رومانسيا وى يا زێده له‌ورا بريار دايه ل دادگه‌هێ سكالايێ توماربكه‌ت و داخوازا به‌ردانێ بكه‌ت.
هه‌مان ژێده‌ر ئه‌و چه‌نده ژى دياركر به‌رامبه‌ر دادگه‌هێ وێ ژنێ دياركريه كو ئه‌و حه‌ز دكه‌ت خوه بده‌ته به‌ردان ژ به‌ركو حه‌ز دكه‌ت وێ هه‌ڤژينه‌ك هه‌بيت هه‌رده‌م سه‌ره‌ده‌ريا وى يا توند بيت و حه‌زدكه‌ت ژيانا وێ هه‌رده‌م دانوستانێن رژدى دگه‌ل وێ بكه‌ت و ئه‌و حه‌ز ناكه‌ت هه‌تا ڤى راده‌ى هه‌ڤژينێ وێ يێ باش بيت و گرنگيێ پێ بده‌ت.
به‌رامبه‌ر ڤان گوتنان هه‌ژڤينێ وێ ژى بۆ دادگه‌هێ دياركريه ئه‌و حه‌ز دكه‌ت بيته باشترين هه‌ڤژين بۆ خێزانا خوه و ل سه‌ر داخوازا وێ من كێشه‌يا خوه ئينايه خوار و له‌شه‌كێ وه‌رزشى بۆ خوه چێكريه پێخه‌مه‌ت ئه‌و يا رازى بيت له‌ورا داخواز ژ دادگه‌هێ كر ئاموژگاريا بده‌ته هه‌ڤژينا وى ژ بريارا وێ لێڤه‌بيت، ل دووماهيێ دادگه‌ها بارێ كه‌سايه‌تيا ئيماراتى بريار دا داخوازا وێ يا به‌ردانێ بهێته پاشخستن پێخه‌مه‌ت ده‌ليڤه‌يه‌كێ بده‌نه هه‌ردولا پێكبهێن.