ئاڤا خابیرى ژ سالا بورى زێده‌تر بوویه
ئه‌ڤرۆ نیوز، عه‌لى حاجى:
رێڤه‌به‌رێ هوبا ئاڤێ ل زاخۆ بۆ ئه‌ڤرۆ نیوز دیار كر هه‌ر چه‌نده دنوكه دا ئاستێ ئاڤا خابیرى ل زاخۆ كێم بوویه، به‌لێ دئه‌ڤ ساله دا رێژه‌یا وێ دو جاركى زێده‌تره ژ ئاڤا سالا بورى و ئه‌ڤ چه‌نده ژى دخزمه‌تا جوتیار و پروژێ ئاڤا زاخۆ دایه.
زێده‌تر سه‌لمان محه‌مه‌د دیار کر ل ماوێ پێنچ سالێن بورى دا ب تایبه‌تى ل هه‌یڤێن هه‌شت و نه‌ه دا رێژه‌یا ئاڤا خابیرى كێم ببوو، سالانه ژى ب تایبه‌تى د وان دو هه‌یڤان دا ئاڤ كێم دبیت، ئه‌گه‌ر ژى ژبه‌ر وێ چه‌ندێ یه كو جوتیار زێده‌تر ئاڤێ ب كار دئینن بۆ به‌رهه‌مێن خوه یێن چاندنێ و پرۆژا ئاڤا زاخۆ ژى ئاڤێ زێده‌تر ب كاردئینیت، له‌ورا هه‌یڤێن هه‌شت و نه‌ه ب هه‌یڤێن كێم بوونا ئاڤێ دهێته نیاسین، به‌لێ ئه‌ڤساله رێژه‌یا ئاڤێ 41% ژ سالا بورى زێده‌تره و ئه‌ڤ رێژه‌یه ژى یا دل خوه‌شكه‌ره، ئه‌ڤ رێژه‌یه ژى ژئه‌گه‌رێ بارینا رێژه‌یا زێده‌یا بارین بارینێ بوو دئه‌ڤ ساله دا.
و گوت ژى ئه‌ڤ چه‌نده دێ زێده‌تر خزمه‌تا جوتیارێن ده‌ڤه‌رێ و پروژه‌یێ ئاڤا زاخۆ كه‌ت، به‌لێ پشتى دهه‌یڤا 10 دا، دوباره ئاڤ زێده‌تر دبیت، ژبه‌ر كو ئاڤا كانیا ژى دهێته سه‌ر ئاڤا خابیرى و ل دووڤ را ژى وه‌رزێ باران بارینێ ده‌ست پێ دكه‌ت ل ده‌ڤه‌رێن چیایى.