گه‌نجه‌كێ زاخۆ دێ پشكداریێ د دیداره‌كا نێڤده‌وله‌تى دا کەت
ئه‌ڤرۆ نیوز، عه‌لى حاجى:
بۆ ئێكه‌م جارە گه‌نجه‌كێ ده‌ڤه‌را زاخۆ دێ پشكداریێ د دیداره‌كا فه‌رمى دا كه‌ت ل وه‌لاتێ فه‌ره‌نسا، پشكداریا وى گه‌نجى ژى ل دووڤ داخازیا فه‌رمى یا وه‌لاتێ فه‌ره‌نسایه كو ئه‌وا بریاره ل وه‌لاتێ فه‌ره‌نسا ب پشكداریا پرانیا سه‌رۆك وه‌لاتێن زلهێزێن جیهانێ ده‌ستپێ بكه‌ت.
بریسك حسێن گه‌نجێ پشكداربوویى بۆ ئه‌ڤرۆ نیوز دیار كر بۆ ئێكه‌م جاره ئه‌ز پشكداریێ د وێ دیدارێ دا بكه‌م و ئه‌وا بناڤێ دیدارا ئاشتیێ ل فێرسایى یا فه‌ره‌نسا، داخوازكرنا من بو وێ دیدارێ ل سه‌ر بنه‌مایێ ناما من بوو یا ماسته‌رێ ئاڤاكرنا ئاشتیێ پشتى روخاندنا رژێما به‌عس، ئه‌ڤه بۆ دووه‌م جاره ئه‌ڤ دیداره دهێته ساز كرن كو ل سه‌رانسه‌رى جیهانێ بتنێ 125 گه‌نج پشكدار دبن، ژ پارێزگه‌ها دهوكێ ئه‌ز ژى ئێك ژ پشكداربوویانم، داخوازكرنا من بۆ وێ دیدارێ وه‌كو ئه‌كادیمیە، بریاره چه‌ندین سه‌رۆك وه‌لاتێن جیهانى و سه‌رۆكێ رێكخراوا نه‌ته‌وه‌یێن ئێكگرتى پشكدار ببیت د وێ دیدارێ دا چه‌ندین بابه‌تێن گرنگ دهێنه به‌حس كرن، ژ وان بابه‌تان ژى دێ بابه‌تێن( پێشكه‌ڤتنا سیاسى ئابوورى- گوهورینێن دسه‌قایى دا و چاره‌سه‌ریێن وێ – شه‌ر و ئاشتى یا جیهانێ – ته‌كنه‌لوژى و خێرا گه‌شه‌پێكرنا وێ)، كو ئه‌وا بریاره ل رێكکه‌ڤتى 11/11 هه‌تا 11/14 ل وه‌لاتێ فه‌ره‌نسا ده‌ست پێ بكه‌ت.
و گوت ژى پرانیا نوونه‌رێن وه‌لاتان ژى دێ پشكدار بن، بریاره ژبه‌ریا ژڤانێ دیدارێ ئه‌ز به‌ره‌ڤ وه‌لاتێ فه‌ره‌نسا ڤه بچم، كو سه‌رۆكێ وه‌لاتێ فه‌ره‌نسا ئێمانوێل ماكرۆن سه‌رپه‌رشتیێ دكه‌ت و به‌ری ماوه‌یه‌كێ ژى ئه‌و داخوازناما فه‌رمى ب من گه‌هشتیه وه‌كو پشكداربوویه‌ك، ئه‌ڤه بۆ ماوه‌یێ دو جارایه ئه‌ڤ دیداره دهێتە ئەنجامدان.