مه‌حمود محه‌مه‌د:به‌ربژارێ پۆستێ پارێزگارێ كه‌ركووكێ یێ لیستا برایه‌تی یه نه ئێكه‌تیێ
ئه‌ڤرۆ نیوز:
په‌یڤدارێ فه‌رمی یێ پارتى دیموكراتى كوردستان، مه‌حمود محه‌مه‌د راگه‌هاند، ئه‌و كه‌سێ هاتیه به‌ربژاركرن بۆ پۆستێ پارێزگارێ كه‌ركووكێ به‌ربژارێ لیستا برایه‌تیێ نه‌كو به‌ربژارێ ئێكه‌تیێ یه
ل دۆر ده‌مێ ده‌ست بكاربوونا به‌ربژارێ پۆستێ پارێزگارێ كه‌ركووكێ، مه‌حمود محه‌مه‌د زێده‌تر بۆ ده‌نگێ ئه‌مریكا گۆت” لژنه‌كا هه‌ڤپشك یا پارتى و ئێكه‌تیێ ل چه‌ند رۆژێن داهاتى دێ سه‌ره‌دانا به‌غدا كه‌ت و ل گه‌ل نوونه‌رێن عه‌ره‌ب و توركمان كۆمبیت، دا ئه‌وژى رازى بن ل سه‌ر به‌ربژارێ لیستا برایه‌تى بۆ پۆستێ پارێزگارێ كه‌ركووكێ”.
ناڤبرى دووپاتى ل وێ چه‌ندێ كر كو پێدڤیه هه‌موو لایه‌نێن كوردستانى خودان ئێك بریار بن ل دۆر پشكداریكرن یا پشكداری نه‌كرن د هه‌لبژارتنێن جڤاتا پارێزگه‌ها كه‌ركووكێ دا، چونكى قانوونا هه‌لبژارتنان زیانێ ل ده‌نگێن كوردان د ده‌ت و رێگریێ ل ده‌نگدانا كه‌ركووكیێن ده‌رڤه‌ى كه‌ركووكێ دكه‌ت”.