هوسان ئه‌ڤينا هه‌وه يا ب دووماهى هاتى
ئه‌ڤرۆ:
ئەو رۆتینا دکەڤیتە ھەڤبەندیا دلینی ژیانا ھەڤژینان سست دکەت، دبیت ببیتە ھۆشداریەک بۆ ب دووماھی ھاتنا ئەڤینیێ د ناڤبەرا وان دا، ب تایبەت ژ لایێ زەلامی ڤە، دێ کەنگی ڤێ چەندێ دوپات کەی؟ ئەڤە پێنج نیشانن ھۆشداریا ب دووماھی ھاتنا ئەڤینیێ ددەن:
ئێدی پویتە ب تە ناکەت: ھەکە تە ھەست پێ کر کو ھەڤژینێ تە ئێدی ھاری تە تشتێن ب سەنگ نا راکەت و پرسیارا تە ناکەت کا تە ھاریکاری دڤێت یان نە و ھای ژ نەخۆشیا تە نینە، ئەڤە ھەموو ئاماژە نە بۆنزمبوونا ئاستێ ئەڤینیێ.
ئێدی ژ رەفتارێن تە تۆرە نابیت: زەلامان رێیەکا ب کەنی و سەیر ھەیە بۆ دەربڕینێ ژ ھەستا خوە، بتایبەت بەرامبەری وان کەسان یێن ئەو حەز ژێ دکەن، بەردەوام رەخنێ ل رەفتارێن وان دکەن بۆ راکێشانا ئاڤروویان، لەورا دەمێ خۆشتڤیێ تە بەرابەر رەفتارێن تە یێن نەجوان بێدەگ بوو ئەڤە ئاماژە بۆ باشڤەکێشانا ئەڤینیا وی.
گەلەک پویتەی ب سەروسیمایێ خوە ددەت: دبیت سەروسیمایێ خوە وەکو یێ سنێلان لێبکەت، ئەڤە ژی ئاماژەیە کو ئەڤینا تە نەمایە د دلێ وی دا.
ئاخفتنا وی یا ھشکە: دێ بینی ھەموو دەمان بناڤێ تە گازی تە دکەت و ئێدی نابێژیتە تە “خۆشتڤیا من” و ئێدێ نازداریا بۆ تە ناکەت.
نەڤێت ل گەل تە دەرکەڤیت: ھەموو دەمێ خوە ل گەل ھەڤالان ژ دەرڤەی مال دبۆرینیت، و سەرەدانێن جڤاکی رەت دکەت، ئەڤە ئاماژێن مەزنن کو ئەو ئێدێ حەز ژ تە ناکەت.
