گروپەک و رێکخراوەک هاریکاری و پرۆژێن بچووک بۆ ئاواران دابین دكه‌ن
ئەڤرۆ نیوز،عەلی حاجی :
بەرپرسێ گروپی هیڤی بۆ ئەڤرۆ نیوز راگه‌هاند، ب هه‌لکەڤتا رۆژیێن ئێزدیان گروپێ هیڤی مژوولی بەلاڤکرنا هاریکاریانە بۆ کێم دەرامەتێن دناڤ کەمپێن زاخۆ دا، هه‌روه‌سا پروژەین بچووک بۆ رزگاربوویێن دەستێ داعشێ هاتینە ڤەکرن.
فێسەل خانەسوری زێده‌تر گوت : ژبەر هاتنا رۆژیێن ئێزدیان و نێزیکبوونا جەژنێ، گروپێ هیڤی رابوویە ب بەلاڤکرنا کەرستێن خوارنێ ب سەر ٥٠٠ خێزانێن دناڤ کەمپێن باژێرێ زاخۆ دا و دابینکرنا جلكان بۆ ٣٠٠ زارویێن بێ سەمیان وبەلاڤکرنا کوژمەکێ پارەی ل سەر ٨٠ خێزانێن کێم دەرامەت،سندوقەک دناڤ کەمپا چەمشکو دا هاتیە دانان کو ب رێیا وێ سندوقێ زەنگینێن دناڤ کەمپێ دا پارەی دکەنە تێدا بۆ هاریکاریان.
گۆت ژی : ب رێیا رێکخراوا شنگالا نوو ١٥ پرۆژێن بچووک کو ژ چەند دوکانەکان پێک دهێت بۆ رزگاربوویێن دەستێ داعشێ هاتینە ڤەکرن دناڤ سێ کەمپێن زاخۆ دا و دناڤ هەر کەمپەکێ دا پێنچ دوکان هاتینە ڤەکرن.
