سولتانێ عومانێ هاته ده‌ست نیشانكرن
ئه‌ڤرۆ نیوز:
پشتی دیوانا سولتانێ وه‌لاتێ عومانێ راگه‌هاندی قابوس بن سه‌عید سولتانێ عومان د ژیێ 79 سالیێ دا چوبه‌ردلوڤانیا خودێ و بۆ ماوه‌یێ سێ رۆژان شینیا گشتی ل وی وه‌لاتی هاته راگه‌هاندن.
جڤاتا بنهمالهیا سولتانی كۆ ژ پێنجی زه‌لامان پێك هاتیه ئه‌ڤرۆ هه‌یسه‌م كورێ تارقی ئال سه‌عدیان بۆ جهگرێ سولتان قابوسی ده‌ست نیشانكر.
سولتان هه‌یسم پسمامێ سولتان قابوسی یه، وه‌زیرێ ره‌وشه‌نبیری و كه‌لتوری بوو، ئێكه ژكه‌سێن نێزیكی سولتانێ وه‌غه‌ركری، هه‌روه‌سا ئه‌میندارێ گشتی یێ وه‌زاره‌تا ده‌رڤه‌یا عومانێ بوو ژی.
د راگه‌هاندنه‌كا دادگه‌ها شاهانه‌یا عومامێ مرنا سولتان قابوسی راگه‌هاند و لگۆری دستورێ وی وه‌لاتی ل ده‌مێ سێ رۆژان دڤێت جهگرتیه‌ك بۆ بهێته ده‌ست نیشانكرن.
هه‌یسه‌م تارق ته‌یمور ئال سه‌عید ل سالا 1954 ژدایك بوویه و پسمامێ سولتان قابوسی بوویه، ئه‌ندامێ جڤاتا بنهمالهیا ده‌سه‌لاتداره و دامه‌زرێنه‌رێ ئێكه‌تیا ته‌پا پێ یا عومانێ یه و جێگرێ وه‌زیرێ ده‌رڤه بوو.
