وه‌زیرا كارۆبارێن جڤاكی: سال بۆ سالێ رێژا بێكاریێ زێده دبیت
ئه‌ڤرۆ نیوز:
وه‌زیرا كارۆبارێن جڤاكی دیاركر سال بۆ سالێ رێژه‌یا بێكاریێ زێدبیت و ل گه‌ل كێم بوونا كاری.
كوێستان محه‌مه‌د وه‌زیرا كارۆبارێن جڤاكی یا حوكمه‌تا هه‌رێما كوردستانێ راگه‌هاند: دڤێت به‌لانسه‌ك هه‌بیت هه‌مبه‌ر ئینانا كریكارێن خۆمالی و بیانی و ئه‌و كرێكارێن بیانی ده‌ما دهێن بهێنه توماركرن، نه‌هێلانا بێكاریێ ژی گرێدای بتنێ وه‌زاره‌تا كار و بارێن جڤاكی ڤه گریدای نینه، به‌لكو دڤێت هه‌می كابینه‌یا حوكمه‌تێ ڤه هه‌یه، كۆ ئه‌ڤه چه‌ند ساله‌كه دامه‌زراندن هاتینه راوه‌ستاندن، دڤێت بزاڤا وێ چه‌ندێ بده‌ین كه‌رتێ تایبه‌ت ده‌لیڤه‌یێن كاری بۆگه‌نجان په‌یدا بكه‌ن، ب شیوه‌یه‌كی ئه‌و مافێ كه‌سێ ژ كه‌رتێ گشتی نه‌دتیی ل كه‌رتێ تایبه‌ت بده‌ستڤه بینیت، ئه‌ڤه ب بیته پالده‌ره‌ك خه‌لكێ بێكار ل كه‌رتێ تایبه‌ت كار بكه‌ت.
وه‌زیرا كارۆبارێن جڤاكی یا حوكمه‌تا رێما كوردستانێ گۆت: ب ئه‌گه‌رێ نه دامه‌زراندنا چ كه‌سان ب ئه‌گه‌رێ قه‌یرانا دارایی ب سه‌ر هه‌رێمێ دا هاتی سال بۆ سالێ رێژه‌یا بێكاریێ زیده‌بوویه.
كوێستان محه‌مه‌د ئه‌و چه‌نده ژی دازانین: یاسا كار به‌رهه‌ڤه و ل جڤاتا وه‌زیران دایه نوكه جڤاتا شورایێ تێبینێن خو ل سه‌ر داینه و هیڤیدارم په‌رله‌مان په‌سند بكه‌ت، چونكو ئه‌ڤ یاسایا كاری ل به‌رژه‌وه‌ندا كرێكاری دایه .
