هەتا نوکە 45 سم بەفرێ ل دەروازێ سەرزێری بارینە
ئەڤرۆ نیوز، زنار تۆڤی:
ئەڤرو ئەینیێ ٢٤-١-٢٠٢٠ پێلەکا دی یا بەفرێ ناحیا کانی ماسێ ڤەگرتیە و د ئەنجامدا رێژەکا باش یا بەفرێ ل سەنتەرێ ناحیێ یێ سەر ب ڤەزا ئامێدیێ و دەروازێ سەرزێری باریە.
شینواری سادق ژ هۆبا پەیوەندی و راگەهاندنا ل کۆمەلگەها دەروازێ سەرزێریی، بۆ ئەڤرۆ نیوز دیار کر: لدووڤ وێ پێلا بەفرێ یا چاڤەرێکری، کو پێشبینی دھاتنە کرن ھەرێما کوردستانێ ڤەگریت ، ھەر ژ شڤێدی وەرە ل کومەلگەھا دەروازێ سەرزێری بەفر بارینێ دەست پێکریە و هەتا نوکە ٤٥ هەتا ٥٠ سم بەفرێ بارینە و نوکە بەفر بەردەوام یا دباریت.
ناڤهاتی گۆت ژی: سەرەرای ھندێ کو بەفرەکا زۆر یا دباریت، لێ تیمێن رامالینا بەفرێ یێن سەر ب رێڤەبەریا رێک و پرا ل ناحیا کانی ماسێ بەردەوام جادا سەرزێری ژ بەفرێ رادمالن و پاقژ دکەن، نوکە ژی ھاتنوچوونا رێڤنگانل دەروازێ سەرزێری یا بەردەوامە.
