زەلامەکێ سعودی ب حالەتەکا سەیر ھەڤژینا خوە ل فروکخانێ بەردا
ئه‌ڤرۆ نيوز، رەڤین سالح لاوەند:
د ھەموو ژیانا رۆژانە دا مە گوهـ ل حالەتاکا نوو یا بەردانێ د ناڤ جڤاکی دا دبیت، بەلێ گەلەک جاران ئەگەرێن بەردانا ھەڤژینیێ هه‌تا رادەکی یا گونجایە، بەلێ ڤێ داویێ حالەتاکا بەردانێ یا سەیر ل فروکخانا (مەلک خالد) ل باژێرێ ریاز ل سعودیێ روودایە ژ بەر کو ژنەکێ دەستێ زەلامێ خوە گرت بوو بەرامبەر خەلکی ل فروکخانێ.
ئەڤ رەفتارا وێ دبیتە ئەگەرێ تورەبوونا زەلامێ وێ و چەندین جاران داخوازێ ژێ دکەت کو دەستێ وی بەردەت، بەلێ ھەڤژینا وی ھزرکر کو زەلامێ وێ یێ شەرم دکەت و بەردەوام بوو کو دەستێ وی بگریت و ھندەک پەیڤێن ئەڤینێ بێژیتێ، لێ ئەڤێ چەندێ پتر زەلام تورە کر.
زەلامێ وێ ھزرکر کو ھەڤژینا وی یا دژی وی دکەت، رابوو ب بەردانا وێ ل پێش چاڤێن وی خەلکێ ئامادە بوويی ل فرۆکخانێ.
