ل دەمێ بکارئینانا مۆبایلێ خوە ژ ئەڤان حالەتان دوور بکە
ئەڤرۆ نیوز:
پتر ژ هەر ئامیرەکێ دیتر، مۆبایل بەر دەستێن مرۆڤی دکەڤیت، ئەڤە ژى دبیتە ئەگەرەکێ مەترسیدارە بۆ پەیدابوونا میکروبان، دیسان زیانێ دگەهینیتە ساخلەمیا مرۆڤی.
لدووڤ ڤەکولینەکێ، کو ژ ئالیێ کۆمپانیا ڤایتال ڤارۆ هاتیە ئەنجامدان، کو مۆبایل پیسترین ئامیرە، ل دەمێ بەحسێ ڤەگوهاستنا نەخۆشیان د هێتە کرن ژ کەسەکی بۆ کەسەکی دیتر، هەروەسا ب رێیا مۆبایلێ بەکتریا و ڤایرۆس بساناهیتر دگەهنە مرۆڤی.
ئەڤ ڤەکولینە ل ئەمریکا دناڤبەرا ٢٠٠ کەسان دا هاتیە ئەنجامدان، تێدا دەرکەفتیە کو پێنج ئەگەرێن نەساخلەمن و مەترسی هەیە ل گەل موبایلا خوە، هەکە د هایدار نەبین چێدبیت ژیانا خوە بێخینە مەترسیێ دا، ئەو پێنج ئەگەر ژى ئەڤە نە:
. % ٨٨ ژ وان کەسێن د ڤەکولینێ دا پشکداربووین دانپێدان ب وێ چەندێ کریە کو د دەست شوویێ دا مۆبایلێ بکاردئینن.
. % ٨٩ ژ وان گوتیە د دەمێ درۆستکرنا خوارنێ دا مۆبایلێ بکاردئینن.
. % ٤١ دەمێ دەستێن وان دگرتى بن ب دەڤی مۆبایلێ هەلدگرن.
. % ٢٣ چ جاران مۆبایلا خوە پاقژ ناکەن.
. % ٨٩ ژ خەلکێ د دەمێ ل جهێن گشتى ل پاس و میترۆ دا، مۆبایلێ بکاردئینن، لدووڤدا دەستێن وان بەر ب وان تشتان دکەڤیت و دەستێن خوە ناشوون.
