دو هۆلێن نەشتەرگەریان دێ ل نەخوشخانا ئامێدیێ هێنە چێکرن
ئەڤرۆ نیوز ، مەحمود نهێلی:
رێڤەبەرێ ساخلەمیا قەزا ئامێدیێ دیار کر، دێ دو هۆلێن نەشتەرگەریان ل دووڤ ستاندەردێن جیهانی ل نەخوەشخانا ئامێدیێ هێنە جێکرن و ل ڤان نێزیکان دێ دەست ب کاری هێتە کرن.
دکتور شاکر عەبدولعەزیز، رێڤەبەرێ ساخلەمیا قەزا ئامێدیێ بو ئەڤرۆ نیوز دیار کر، کو دێ هەردو هۆلێن نەشتەرگەریان ل نەخوشخانا ئامێدیێ هێنە خراب کرن و ل جهێ وان دێ هۆلێن نوو ب رەنگەکی باش ومودێرن هێنە چێکرن و تەڤایا کەلو پەلان و کەرەستەیێن پێدڤی ل دووڤ ستاندەردان دێ بو هێنە دابیکرن.
گۆت : ئەڤ پرۆژەیە بۆ کۆمپانیەکێ دەرکەفت و ژلایێ رێکخراوەکا ئیتالی ڤە کوژمێ ٦٥۰ هزار یورو بو هاتینە تەرخانکرن و ل نێزیک دێ دەست بکاری هێتەکرن. و ئاشکرا کر، هەیڤانە دورێن ٥۰ نەشتەرگەریا ل نەخوشخانا ئامێدیێ دهاتنە ئەنجامدان لێ هەردەمەکی ئەڤ هولێن نوو کەفتنە د خزمەتا هاولاتیان و نەخوەشان دا دێ وان شیانێن ئەنجامدانا رێژەکا پتر یا نەشتەرگەریان هەبیت و ب رەنگەکی باشتر و خزمەتەکا پتر بیت.
