ساخلەمیا جیهانی ئامارەکا مەترسیدار یا نەخۆشیا پەنجەشێرێ بەلاڤ دکەت

ئەڤرۆ نیوز:

ئەڤرۆ 4.2.2020 رێكخراوا ساخلەمیا جیهانی پێشبینی كر، کو هەتا سالا 2040، تووشبوویێن پەنجەشێرێ ب شێوەکێ مەترسیدار و ب رێژا 81٪ دێ بلند بیت، سەرەرای پێشكەفتنا بەردەوام یا زانست و تەكنەلۆژیا نۆشداری.

ئەڤرۆ سێشەمبی رۆژا جیهانی یا پەنجەشێرێ یە، ڕێكخراوا ساخلەمیا جیهانی دەربارەی پەنجەشێرێ ئامارەکا مەترسیدار بەلاڤ كریە، ئەڤە د دەمەکێ دایه کو وەلاتیێن جیهانێ ب ئەگەرێ پێشكەفتنا زانستێ نۆشداری و تەكنەلۆژیایێ، چاڤەرێی كێمبوونا تووشبوونێ ب ڤێ نەخۆشیێ بوون، بەلێ پیسبوونا ژینگەهێ ئێك ژ هۆكارێن مەزن یێن زێدەبوونا ڤێ نەخۆشیێ نە.

هەروەسا گۆتیە، د داهاتیدا تووشبوویێن نەخۆشیا پەنجەشێرێ دێ زێدەتر ل وەلاتێن هەژار و وەلاتێن ناڤنجی ڤەگریت، ئەڤە ب ئەگەرێ نەبوونا پێدڤیێن خۆپاراستنێ ژ وێ نەخۆشیێ.

پیسبوونا ژینگەهێ، پاشمایێن شەران، جگارەكێشان و ڤەخوارنێن كحولی ژ هۆكارێن سەرەكی یێن تووشبوون و زێدەدبوونا نەخۆشیا پەنجەشێرێ نە.

کۆمێنتا تە