پشتی پارتی، ئێکگرتوو ژی ناڤێ وەزیرێ خوە دیارکر

ئەڤرۆ نيوز، سالار دۆسکی:

پشتی دوھی پارتی دیموکراتی کوردستان ھەر ئێک ژ د. رۆژ نوری شاوەیس بۆ جێگرێ سەرۆک وەزیران، ھشیار زێباری بۆ وەزارەتا دارايا عیراقێ ئێکلاکرین، ئەڤرۆ 29\9، ئەندامەکێ مەکتەبا سیاسی یا ئێکگرتوو ئیسلامی کوردستان ناڤێ وەزیرێ ئێکگرتوو بۆ پوستێ وەزارەتا کوچ کوچبەران د حكمه‌تا عه‌بادى دا ئاشكه‌را كر.
ئەبو بەکر عەلی ئەندامێ مەکتەبا سیاسی یا ئێکگرتوو ئیسلامی کوردستان بۆ ئەڤرۆ نیۆز گۆت: “ئێکگرتوو ئیسلامی کوردستان “غازی سەعید” بەربژێرکریە بۆ وەرگرتنا پۆستێ وەزارەتا “کوچ و کوچبەرێن عیراقێ” ئەڤە بریار نەبوو کو ھەر لایەنەک بەربژێرێ خوە دیاربکەت و بریار ئەو بوو، شاندێ دانوستانکارێ کوردی پشتی گەھشتنا رێکەفتنێ ئەو ناڤێن وەزیرێن کورد پێشکێشی بەغدا بکەت”.
ئەبوبەکر عەلی گۆت: “سوز ھەنە د سێ ھەیڤان دا کێشێن کوردان د گەل بەغدا بھێنە چارەسەرکرن و من باوەری پێ نینە، ب مخابنی ڤە مەزاختنا مووچان وەک کارتەکا فشارێ بەرامبەر کوردان دھێتە بکارئینان”.
ئەبوبەکر عەلی خواست ژی نەخشە رێکەک ھەبیت بۆ ئەنجامدانا ریفراندبوومێ و مافێ چارەنڤیسازێ و سەربەخۆیێ، گۆت: “گەشبین نینم چونکە ناکوکی د ناڤبەرا کوردان ب خوە دا ھەنە و تایبەت پارتی دیموکراتی کوردستان و ئێکەتیا نشتیمانی یا کوردستانێ”.

کۆمێنتا تە