سه‌رۆكێ دورتموند چاره‌نڤیسێ سانچو دیاركر
ئه‌ڤرۆ نیوز:
هه‌ر ئێك ژ یانێن لیڤه‌رپول و مانشێسته‌ر یونایتد و چێلسى یێن ئنگلیزى و پاریس سانجێرمان یا فره‌نسى هه‌ڤركیا ستێرا هه‌لبژارتیێ ئنگلته‌را و یانا بوروسیا دورتموند یا ئه‌لمانى جادون سانچو دكه‌ن بۆ ده‌ستڤه ئینانا وى ل ڤه‌گوهاستنێن هاڤینا بهێت.
سه‌رۆكێ یانا بۆروسیا دورتموند هانز یواكیم بۆ رۆژناما سپورت بیلد دیاركر ب دیتنا وى جادون سانچو ناخوازیت پێكهاتیێ یانا ئه‌وان ب جه بهێلت ل ماوێ بهێت ژبه‌ركو ئه‌و هه‌ست ب ئارامیێ دكه‌ت و ئه‌و یاریزان دبینت ئه‌و پاشه‌رۆژا وێ یانێ یه .
هه‌ردیسان سه‌رۆكێ وێ یانا ئه‌لمانى ئاماژه ب وێ چه‌ندێ ژى كر ئه‌وان په‌یوه‌ندیێن باش ل گه‌ل بریكارێ تایبه‌ت یێ وى یاریزانى هه‌یه و ئه‌وان چ ئاریشه ل گه‌ل وى یاریزانى و بریكارێ وى نینه ئه‌و دخوازن ئه‌و یاریزان بۆ ده‌مه‌كێ درێژتر ل گه‌ل وێ یانێ بمینت و هزر ل فروتنا ئه‌وى نه‌كریه ل ماوێ بهێت.