كه‌ركوك: 7 توشبووی ڤایرۆسی كۆرۆنا 4 كه‌سیان ڤایرۆسه‌كه‌یان په‌راندووه
ئه‌ڤرۆ نیۆز، عه‌زیز هه‌ورامی:
له پارێزگای كه‌ركوك 7 حاڵه‌تی هه‌ڵگرانی ڤایرۆسی كۆرۆنا تۆماركرا و 4 كه‌سیان به‌ته‌واوه‌تی چاك بوونه‌ته‌وه، نه‌خۆشخانه‌یان به‌جێ هێشتووه، ته‌واوی گه‌ڕه‌ك و ماڵ و زانكۆ و نه‌خۆشخانه‌و فه‌رمانگه‌كان به ده‌رمان ده‌شۆردرێن.
دكتۆر مه‌نزه‌ر نه‌عمان له هۆبه‌ی نه‌خۆشیه گوازراوه‌كانی ته‌ندروستی كه‌ركوك، به ئه‌ڤرۆ نیۆزی ڕاگه‌یاند: ” له پارێزگای كه‌ركوك 7 حاڵه‌تی توشبووی ڤایرۆسی كۆرۆنا تۆماركرا و پاشان خرانه ژێرچاودێری چری پزیشكییه‌وه، 4 كه‌س له هه‌ڵگرانی كۆرۆنا به‌ته‌واوه‌تی ڤایرۆسه‌كه‌یان په‌ڕاندووه چاك بوونه‌ته‌وه گه‌ڕاونه‌ته‌وه بۆ ناو خێزانه‌كانیان.
هه‌روه‌ها ده‌ڵێ، 3 توشبووه‌كه‌ی تری كۆرۆنا پشكنینییان بۆكراوه نێردراوه بۆ به‌غدا و چاوه‌ڕێ ئه‌نجامه‌كه‌یانین بزانین ڤایرۆسه‌كه تاوه‌كو چه‌ند له له‌شیاندا ماوه‌ته‌وه ڕه‌وشی ته‌ندروستیان زۆرباشه.
گوتیشی، نه‌خۆشخانه‌ی تایبه‌ت به نه‌خۆشانی ڤایرۆسی كۆرۆنا دابینكراوه، ته‌واوی ئه‌و گه‌ڕه‌ك و ماڵانه‌ی په‌تاكه‌یان تێدابووه به‌درمان شۆردراون، نه‌خۆشخانه و زانكۆ و ته‌واوی شوێنه‌گشتییه‌كانی تری كه‌ركوك ده‌رمانیان تێداڕژێندراوه به‌رده‌وامین ته‌واوی كه‌ركوك ده‌رمان بیشۆینه‌وه.