رێڤەبەرێ ساخلەمیا کەرخێ: توشبوویەکێ کۆرۆنا یێ ٨٠ کەس بۆ نانخوارنێ مێهڤان کرینە
ئەڤرۆ نیوز:
رێڤەبەرێ ساخلەمیا کەرخێ دیار کر، کەسەکێ توشبوویێ کۆرۆنا یێ پشتی ژ وەلاتێ ئیرانێ ڤەگەریای، زێدەتری ٨٠ کەسان بۆ نانخوارنێ مێهڤان کرنە.
د راگەهاندنەکێ دا جاسب لەتیف ڕێڤەبەرێ ساخلەمیا باژێرێ کەرخێ ل عیراقێ راگەهاند، لدووڤ زانیاریێن ساخلەمیا کەرخێ، وەلاتیەک پشتی کو ژ ئیرانێ ڤەگەریای، پتر ژ ٨٠ کەسان، ژ خزم و کەس و کارێن خوە بۆ نانخوارنێ گازی کرینە.
هەروەسا گۆتیە، پشتی پشکنین بۆ وی وەلاتی هاتیە کرن، دەرکەفتیە کو هەلگرێ ڤایرۆسێ کۆرۆنا یێ بوویە و ڤێ چەندێ مەترسیەکا مەزن بۆ ساخلەمیا گشتی و کەس و کارێن وی وەلاتی دروستکرینە.
