سەرۆکێ فلیپینێ: هەر وەلاتیەکێ ژ مال دەرکەڤیت دێ هێته کوشتن
ئەڤرۆ نیوز:
سەرۆکێ فلیپینێ هۆشداریێ ددەتە وەلاتیێن خوە، کو هەر کەسێ قەدەغەیا هاتنوچوونێ بنپێ بکەت، دێ تەقە لێ هێتە کرن و دێ هێتە کوشتن.
رۆدریگۆ دۆتێرتێ ، د گۆتارەکا تەلەڤزیۆنی دا، ب زمانێ گەفێ گۆت، ژ بۆ کو رێگریێ ل بەلاڤبوونا ڤایرۆسێ کۆرۆنا بکەین، بەری رەوش بگەهیتە ئاستەکێ خراب و کەرتێ ساخلەمیا فلیپینێ نەشێت رەوشێ کۆنترۆل بکەت، ئەڤ بریارە دایە.
دوتێرتێ داخواز ژ وەلاتیێن فلیپینێ کریە، ڤێ رەوشێ ب رژدی وەربگرن و هەروەسا وی فەرمان ب پۆلیس و هێزێن ئێمناهیێ کریە، کو تەقێ ل سەرپێچکاران بکەن.
ئەڤ گۆتنێن سەرۆکێ فلیپینێ د دەمەکێ دانە، کو دوهی ل چەند کولانێن هەژاران یێن باژێرێ مانیلا، ل دژی گەهاندنا هەڤکاریێن حکومەتێ، وەلاتیان خۆنیشاندان کربوون و ب وێ چەندێ هەژمارەکا وەلاتیان برینداربوون.