روسیا هێزێن سەربازی رەوانەی رۆژئاڤایێ کوردستانێ دکەت
ئەڤرۆ نیوز:
ئاژانسا سپوتینگ د راپۆرتەکێ دا دیار کر کو دوهی روسیا کاروانەکێ مەزن یێ سەربازی کو ژ ٥٠ ترۆمبێلان پێک دهات و گەلەک چەکێن گران ژی ل گەل وان بوون رەوانەی باژێرێ قامشلۆ یێ رۆژئاڤایێ کوردستانێ کریە و ل بنگەهەکێ نوو یێ سەربازی بجه بووینە.
د راپۆرتێ دا ئاماژە ب هندێ ژی هاتیە کرن کو روسیا ل منبجێ و چەندین دەڤەرێن دی یێن رۆژئاڤایێ کوردستانێ ژی بنگەهێن نوو یێن سەربازی ئاڤا دکەت و ئەو یەک ژی ب دلێ تورکیا نینە و هەروەسا ئەمریکا ژی نەرازیبوونا خوە ل هەمبەر بهێزبوونا پێگەهێ روسیا ل رۆژئاڤایێ کوردستانێ دیار کریە.