گوێزی هه‌ورامان به‌هۆی نه‌خۆشییه‌وه به‌رو له ناوچون ده‌چێت
ئه‌ڤرۆ نیۆز، عه‌زیز هه‌ورامی:
هه‌ورامیه‌كان له گه‌ڵ دانانی باخ گرنگی سه‌ره‌كیان به داگوێز داوه به‌شی سه‌ره‌كی باخه‌كانی هه‌ورامان باخه گوێزه، چه‌ند ساڵێكه نه‌خۆشی بووه‌ته هه‌ڕه‌شه له‌سه‌ر ئاینده‌ی دارگوێزه‌كان .
شه‌ریف مه‌حموود لێپرسراوی به‌شی پاراستنی ڕوه‌ك له به‌ڕێوه‌به‌رایه‌تی گشتی كشتوكاڵی هه‌ڵه‌بجه، به ئه‌ڤرۆ نیۆزی راگه‌یاند، له ساڵی 2018 دوو جۆره نه‌خۆشی له دارگوێزه‌كانی هه‌ورامانی داوه پاش پێكهێنانی لیژنه‌یه‌ك پشكنین بۆ دار گوێزه‌كان له تاقیگه‌ی به‌ڕێوه‌به‌رایه‌تی گشتی كشتوكاڵی هه‌ڵه‌بجه، نه‌خۆشییه‌كان به‌كتریای و كه‌ڕووئه‌و نه‌خۆشییه له ڕێگه‌ی ئاودێرییه‌وه بۆ دارگوێزه‌كانی تر ده‌گوازرێته‌وه.
ئاماژه‌ی به‌وه‌دا،ساڵی 2018 پاش دابینكردنی بڕه پاره‌یه‌ك تواندرا ده‌رمانی پێویست دژ به نه‌خۆشییه‌كه بۆ باخ داره‌كان دابینبكرێت له ڕێگه‌ی تیمێكی ڕاهێندراو ده‌رمانی داگوێزه‌كان بكرێت و باخ داره‌كانیش ڕاهێنانیان پێ بكرێت، به‌ڵام به‌هۆی ئه‌وه‌ی به‌شێكی باخ داره‌كان نه‌هاتن به‌ده‌مانه‌وه له ده‌ره‌وه‌ی هه‌ورامان نیشته‌جێن وه به‌شێكیشیان باخه‌كانیان بۆ كرێ ته‌رخانك كردووه ساڵی 2019 تا ڕاده‌یه‌ك نه‌خۆشیه‌كه وه‌سێندرا به‌ڵام له ساڵی 2020 جارێكی تر نه‌خۆشیه‌كه له دارگوێزه‌كانی دایه‌وه.
هه‌روه‌ها وتیشی، به‌رنامه‌مان هه‌یه ئه‌مساڵ جارێكی تر هه‌ڵمه‌تێك بۆ ڕژاندنی ده‌رمان به دارگوێزه‌كانی هه‌ورامان ده‌ست پێبكه‌ین و ده‌بێت هه‌موو باخ داره‌كان به‌شداربن تاوه‌كو بتوانین ئه‌و نه‌خۆشیه بنه بڕبكه‌ن، چونكه ته‌نها دارگوێزێك ئه‌و نه‌خۆشیه‌ی پێوه بمێنێت، جارێكی تر بڵاو ده‌بێته‌وه له ڕێگه‌ی ئاودێرییه‌وه كاتێك دارێك ئاوده‌چێته بنی ڕه‌شی ئه‌و نه‌خۆشیه بۆ دارگوێزه‌كانی تر ده‌گوازێته‌وه، ئه‌و دارگوێزانه‌ی ته‌مه‌نیان 40 ساڵ ده‌بێت ماوه‌ی سێ ساڵ به‌و نه‌خۆشیه له‌ناو ده‌چێت، وه ئه‌و دارگوێزانه‌ی ته‌مه‌نیان كه‌مه دره‌نگتر نه‌خۆشیه‌كه ده‌گرن به‌ڵام گرتیان زوو وشكی ده‌كات، باخ دارانی هه‌ورامان ناویان لێناوه نه‌خۆشی سه‌ڕه‌تان.
