177 ملیۆن دینار بۆ نووژه‌نكرنا قشلا ئاكرێ دهێنه مه‌زاختن
ئاكرێ، ره‌مه‌زان هه‌رنی:
وه‌زاره‌تا باژێرڤانی و گه‌شت و گۆزارا حوكمه‌تا هه‌رێما كوردستانێ د راگه‌هاندنه‌كێ دا ئاشكرا كریه كو وان گوژمه‌كێ پاره‌ی بۆ نووژه‌نكرنا قشلا ئاكرێ مه‌زاختینه.
وه‌زاره‌تێ د وێ راگه‌هاندنێ دا خویا كریه كو ل سه‌ر بودجا وه‌به‌رهێنانێ، وه‌زاره‌تا باژێرڤانی و گه‌شت و گۆزارێ كۆژمێ 177 ملیۆن و 98 هزار و 200 دینار بۆ نووژه‌نكرنا قشلا ئاكرێ مه‌زاختینه و تێدا هاتیه: “ئه‌و پاره ب قووناغ بۆ نووژه‌نكرنا قشلا ئاكرێ دێ هێته مه‌زاختن و مه‌ره‌م ژ نووژه‌نكرنا وێ ژی، گرنگیدانه ب كه‌رتێ شوونواران ل هه‌رێما كوردستانێ”.
هیوا شه‌مال، رێڤه‌به‌رێ شوونوارێن ئاكرێ به‌ری نوكه بۆ رۆژناما ئه‌ڤرۆ خویا كربوو، هه‌ر ده‌مێ قشلا ئاكرێ هاته نووژه‌نكرن، رێڤه‌به‌ریا شوونوارێن ئاكرێ بۆ ناڤ قشلێ دێ هێته ڤه‌گوهاستن و مۆزه‌خانه‌كا كه‌لتۆری ژی د ناڤ دا دێ هێته دانان، داكو كه‌له‌پۆر و پارچێن شوونواری یێن ده‌ڤه‌رێ تێدا بهێنه پاراستن، ژ به‌ركو چه‌ندین پارچێن شوونواری ل ئاكرێ هه‌نه و پێدڤیه بهێنه پاراستن.
