12 كارگه‌هێن پیشه‌سازی ل دهۆكێ دێ هێنه دانان
ئه‌ڤرۆ:
ب سه‌رپه‌رشتیا د. عه‌لی ته‌ته‌ر، پارێزگارێ دهۆكێ لژنا گه‌شه‌پێدانا پیشه‌سازی ل پارێزگه‌ها دهۆكێ كۆمبوو، تێدا 12 پرۆژێن كارگه‌هێن پیشه‌سازی ل پارێزگه‌ها دهۆكێ هاتنه په‌سه‌ندكرن.
ئه‌و كارگه‌هێن هاتینه په‌سه‌ندكرن د بایڤێن (بڕینا ئاسنی، به‌رهه‌مئینانا چینكۆ، هه‌موو جۆرێن بی. ئار. سی، تێكه‌لۆكا ناڤه‌ندی، دروستكرنا بلۆكان، به‌رهه‌مئینانا بۆڕیێن پلاستیكی پی. ڤی. سی، ئه‌سفه‌لتی، به‌رهه‌مئینانا شه‌ربه‌تێ، حه‌لاندنا كانزایان، دروستكرنا ده‌رگه‌هـ و په‌نجه‌ران، دروستكرنا شیشه‌یی و ئه‌له‌منیۆمی، كۆمه‌لگه‌ها عمبارێن به‌ستیكه‌ر و ساركه‌ڕ و كارگه‌هه‌كا پێدڤیێن نۆشداری) دانه.
پارێزگارێ دهۆكێ د په‌یڤه‌كێ دا دۆپاتی ل زێده‌كرنا كارگه‌هێن پیشه‌سازی بۆ گه‌شه‌پێدانا كه‌رتێ پیشه‌سازی ل دووڤ قانوون و رێنمایان ئاسانكاری بۆ بهێنه‌كرن و ده‌لیڤێن كاری د ڤان كارگه‌هان دا بۆ وزه‌لاتیان بهێنه دابینكرن.
هه‌ژی گوتنێ یه د وان 12 پرۆژێن كارگه‌هان دا 235 ده‌لیڤێن كاری دێ ئێكسه‌ر په‌یدا بن و بنه ئه‌گه‌ر ژی هژماره‌كا دی یا ده‌لیڤێن كاری ل پارێزگه‌ها دهۆكێ بۆ وه‌لاتیان په‌یدا ببن.
