جهێن شوونواری یێن ئامێدیێ د پێشانگه‌هه‌كی دا هاتنه نیشادان
ئامێدیێ، مه‌حمود نهێلی:
ل ژێر دروشمێ ڤه‌گه‌ڕاندن و پاراستنا سامانێ هزرا نشتیمانی، ناڤه‌ندا چالاكی و پێگه‌هاندنا لاوان ل ئامێدیێ پێشانگه‌هه‌كا شێوه‌كاری بۆ مامۆستا رێهیل ئه‌كره‌م مه‌حمود ل جادا نوو یا ئامێدیێ ڤه‌كر و تێدا چه‌ندین وێنێن شێوه‌كاری و دیكومێنتاری یێن شوونواری یێن ئامێدیێ هاتنه نیشادان.
موراد محه‌مه‌د، كارگێرێ ناڤه‌ندا بلند یا لاوێن ئامێدیێ بۆ رۆژناما ئه‌ڤرۆ دیار كر، مه‌ره‌م ژ ڤێ پێشانگه‌هێ پاراستنا جهێن شوونواری یێن ئامێدیێ بوو، ژ به‌كو نوكه به‌ر ب نه‌مانێ دچن و گۆت: “د ڤێ پێشانگه‌هێ دا پڕانیا جهێن شوونواری یێن ئامێدیێ هاتنه نیشادان، وه‌ك: ده‌رگه‌هێ ئامێدیێ، مزگه‌فتا مه‌زن، قوتابخانا قوبه‌هان و چه‌ندین جهێن دیتر”.
مورادی داخواز كر، نڤێسینگه‌هه‌كا شوونواری ل ده‌ڤه‌رێ بهێته ڤه‌كرن، داكو جهێن شوونواری ل ده‌ڤه‌رێ بهێنه پاراستن.
