سێ چاكسازیێن ژن و سنێلان دێ هێنه ئاڤاكرن
هه‌ولێر، قائید میرۆ:
پلانا حوكمه‌تا هه‌رێما كوردستانێ ئه‌ڤه‌یه سێ چاكسازیێن ژن و سنێلان بهێنه ئاڤاكرن و بریكارا وه‌زاره‌تا كار و كاروبارێن جڤاكی ژی دبێژیت: بڕیارا ئاڤاهیێن ژن و سنێلان بتنێ ل سه‌ر شیانێن مادی یێن حوكمه‌تێ مایه.
زه‌كیا سه‌ید سالح، بریكارا وه‌زاره‌تا كار و كاروبارێن جڤاكی یا حوكمه‌تا هه‌رێما كوردستانێ بۆ رۆژناما ئه‌ڤرۆ گۆت: “راسته جهێ وان كه‌سێن هاتینه سزادان د ناڤا چاكسیێن هه‌رێما كوردستانێ دا وه‌كی پێدڤی نینه، به‌لێ پلانا حوكمه‌تێ ئه‌ڤه‌یه سێ چاكسازیێن نوو ل هه‌ولێر و دهۆك و سلێمانیێ بۆ ژن و سنێلان بهێنه ئاڤاكرن و حوكمه‌ت ل سه‌رئاڤاكرنا وان ئاڤاهیان یا رژده، به‌لێ بتنێ ل سه‌ر شیانێن مادی یێن حوكمه‌تێ مایه ده‌ست ب ئاڤاكرنا وان چاكسازیان بهێته كرن”.
زه‌كیا سه‌ید سالح گۆتژی: “ژ به‌ر نه‌بوونا پارێ پێدڤی ئه‌م نه‌شێین ژڤانێ ده‌ستپێكرنا وان سێ پڕۆژان دیار بكه‌ین، چونكو به‌ری نوكه بڕیاربوو بهێنه ئاڤاكرن و ژ به‌ر نه‌بوونا شیانێن مادی گیرۆبوویه، به‌لێ حوكمه‌ت ل سه‌ر ئاڤاكرنا وان یا رژده و هه‌ر ده‌مێ حوكمه‌ت پاره‌یێ پێدڤی ب مه‌زێخیت ئه‌ڤه دێ پلانا ئاڤاكرنا هه‌رسێ چاكسازیان هێته بجهئینان، چونكو دێ كاریگه‌ری ل سه‌ر ره‌وشا كه‌سێن د ناڤا چاكسازیان دا هه‌بیت”.
