بازرگانیێ ب كه‌ڤالێن خوه ناكه‌ت
هه‌له‌بچه، عه‌زیز هه‌ورامی:
باشنڤیس و شێوه‌كار(حسێن عه‌بدوللا) كو خه‌لكێ باژێرێ به‌غدایه، د دیداره‌كێ دا بۆ رۆژناما ئه‌ڤرۆ گۆت: دژیه‌كێ بچووكدا من حه‌ز ژ باشنڤیسیێ دكر، ب تایبه‌ت ژی خه‌تێ كۆفی، چنكو یێ سه‌رده‌مێ عه‌باسیانه و هه‌تا نوكه یێ به‌رده‌وامم.
حسێنی گۆت: ژ به‌ر حه‌زا منا زێده بۆ خه‌تی كۆفی ، ب تایبه‌ت ژی یێ چارگۆشه‌یی من بسپۆری پێ وه‌رگرتیه، بۆ زانین ل سه‌ر ده‌مێ عه‌باسیان ئه‌ڤ جۆرێ نڤیسنێ ل وه‌لاتێ مسرێ ل سه‌ر به‌ری دهاته نڤیسین و هه‌تا نوكه یێ مای، ل عیراقێ و هنده‌ك وه‌لاتێن دی ژی ل سه‌ر ته‌قنێ یان هه‌ڕیێ دهاته نڤیسین، به‌لێ ده‌مێ باران دبارین ئه‌و نڤیسین ژێ دچوون و نه دمان، و ب مخابنی ڤه دێ بێژم شوونوارێن ڤی جۆرێ خه‌تی ل عیراقێ ژناڤ چووینه، بۆ زانین من نێزیكی سه‌د كه‌ڤالان هه‌نه و ئه‌ز بازرگانیێ پێ ناكه‌م، چنكو پتریا وان ئایه‌تێن قۆرئانا پیرۆزن، و من دڤێت بێژم كو وه‌زاره‌تا ره‌وشه‌نبیری یا عیراقێ پشته‌ڤانیان هونه‌رمه‌ندان ناكه‌ن.
