نەپێگیریا نەخۆشان ب چارەسەریێ، ئێك ژ ئاریشەیێن سیستەمێ ساخلەمیێ یە
بەرپەڕێ ساخلەمیێ:
د. دلدار حاجی موسى، تایبەتمەندێ نشتەرگەریا گشتی دیار دکەت کو سستیکرن د وەرگرتنا دەرمانی دا مەترسیەکا مەزن د سیستەمێ ساخلەمیێ دا پەیدا دکەت. دەمێ نەخۆش دۆزێن دەرمانی ب شێوەیەکێ نەدروست وەردگریت یان بەری وەخت بڕیارا بڕینا چارەسەریێ ددەت، بارێ ساخلەمییا وی بەرەف خراپتربوونێ دچیت، ئەڤە ژی ئەگەرێ ئالۆزبوونا نەخۆشیێ، بلندبوونا ڕێژەیا مرنێ، و زێدەبوونا تێچوونا دارایی ل سەر تاک و نەخۆشخانان پەیدا دکەت.
ل دور ئەگەرێن سەرەکی یێن ڤێ ئاریشێ، د. دلدار خویادکەت کو ئەگەرێن گرێدایی ب نەخۆشی ڤە وەکی بیرچوونا ژڤانان و کێمبوونا هۆشیاریا ساخلەمیێ یان ترسا ژ کاریگەریێن لاوەکی. هەروەسا زۆربوونا ژمارەیا دەرمانان و ئاڵۆزیا ڕێنماییان ژ ئەگەرێن چارەسەریێ نە، د دەمەکی دا گرانیا بهایێ دەرمانان و زەحمەتیا گەهشتنێ بۆ سەنتەران ل سەر ئاستێ ئابووری و جڤاکی کارتێکرنێ دکەن. ل سەر ئاستێ سیستەمێ ساخلەمیێ ژی، لاوازیا پەیوەندیا دناڤبەرا نۆشدار و نەخۆشی دا و کێمیا وەختێ تەرخانکری بۆ شرۆڤەکرنێ ئاریشێ ئاڵۆزتر دکەن.
بۆ چارەسەرکرنا ڤێ دیاردێ، د. دلدار چەند ڕێکارێن بنەڕەتی پێشنیار دکەت کو سەرەکیتریۆن وان سادەکرنا پلانا چارەسەریێ یە ب ڕێیا کێمکرنا ژمارەیا ژەمێن دەرمانی یێن ڕۆژانە یان بکارئینانا ئەو دەرمانێن کاریگەرییا وان درێژخایەن. هەروەسا بوهێزکرنا پەیوەندیێ و ئاڤاکرنا باوەریێ دناڤبەرا نۆشدار و نەخۆشی دا دگەل تەرخانکرنا وەختەکێ گونجای بۆ بەرسڤدانا ئاریشان گەلەک گرنگە. زێدەباری ڤێ چەندێ، بکارئینانا تەکنۆلۆجیایێ وەکی ئەپلیکەیشنێن مۆبایلێ و نامێن بیرئینانێ، و ڕاهێنانا کادران بۆ پێشێخستنا ئالاڤێن پەیوەندیکرنێ رۆلەکێ بەرچاف دبینن.
د. دلدار جەخت ل سەر هندێ دکەت کو پابەندبوون ب چارەسەریێ نیڤا ڕێیا چاکبوونێیە. هەر ئالۆزیەک یان دڵگرانیەک ل دور کاریگەریێن لاوەکی هەبیت، پێدڤییە ڕاستەوخۆ دگەل نۆشدارێ خۆ بێتە بەحسکرن، نەک سەربەخۆ بڕیارا بڕینا چارەسەریێ بێتە وەرگرتن.
