مۆزیك زمانه‌كێ بێ ده‌نگه
دهۆك، هه‌رهین محه‌مه‌د:
مسته‌فا نه‌بیل، لێده‌رێ ئامیرێ عۆدێ، د دیداره‌كێ دا بۆ رۆژناما ئه‌ڤرۆ گۆت: مۆزیك ل ده‌ف من ژیانه و بێ مۆزیك نه‌شم بژیم و ب ژه‌نینا مۆزیكێ دچمه جیهانه‌كا ئارام و چه‌ند ئه‌ز یێ بخه‌م بم مۆزیك من كه‌یفخۆش دكه‌ت و هه‌موو هیڤیێن من ئه‌ون تیپه‌كا مۆزیكێ ل دهۆكێ بهێته ڤه‌كرن د ناڤ وێ تیپێ دا كاربكه‌م و نوكه ژی ئه‌ندامێ تیپا ئوركێسترا وه‌ته‌رم ل مووسل.
هێشتا گۆت: دژیێ پێنچ سالێ دا من ستران ل سه‌ر ده‌پێ شانۆیێ دگۆتن و هه‌تا كو ژیێ من بوویه ده‌ه سال حه‌زا ژه‌نینا مۆزیكێ ل ده‌ف من په‌یدابوو، چنكو به‌رده‌وام من ددیت دایكا من و بابێ من مۆزیك دژه‌نی و ب هاریكاریا وان من شیا ئامیرێ عۆدێ بژه‌نم و چو جاران ژی من هزرنه‌كریه ده‌ستا ژمۆزیكێ به‌رده‌م، چونكو مۆزیك ژی وه‌كو زمانه‌كی یه كومرۆڤ پێ د ئاخڤیت، به‌لێ مۆزیك زمانه‌كێ بێ ده‌نگه و كه‌سێ به‌رامبه‌ر ب سانا هی هه‌ست ب ئارامیێ دكه‌ت و تێ دگه‌هیت، و هه‌موو ده‌م بۆ من دخۆشن بۆ ژه‌نینا مۆزیكێ، به‌لێ ده‌مێ ژ هه‌موویان خۆشتر سپێدێ یه، چونكو ل وی ده‌می مرۆڤ ژنوو ژ خه‌و رادبیت و مێشكێ مرۆڤی یێ ئارامه، هه‌روه‌سا ژه‌نینا مۆزیكێ ل دانێ سپێدێ و شه‌ڤێ تایبه‌تمه‌ندیا خوه یا تایبه‌ت ل ده‌ف من هه‌یه.
