د روودانه‌كێ دا كه‌سه‌كی گیانێ خوه ژ ده‌ست دا
ئه‌ڤرۆ، زنار تۆڤی:
به‌رپرسێ راگه‌هاندنا هاتنوچوونا پارێزگه‌ها دهۆكێ بۆ رۆژناما ئه‌ڤرۆ دیار كر، د روودانه‌كا ترافیكی دا سێ كه‌س بوونه قۆربانی.
موقه‌دم ئازاد تاها، به‌رپرسێ راگه‌هاندنا هاتنوچوونا پارێزگه‌ها دهۆكێ گۆت: “دوهی 30/8/2021 و ل ده‌مژمێر 7:00 سپێدێ ل سه‌ر جادا سه‌ره‌كی یا د ناڤبه‌را هه‌ردو پارێزگه‌هێن هه‌ولێر و دهۆكێ دا، ل سنوورێ قه‌زا شێخان و ل نێزیك ناحیا باعه‌درێ روودانه‌ك روودایه ژ جۆرێ لێكدان د ناڤبه‌را دو ترۆمبێلێن تایبه‌ت ژ جۆرێن كه‌یا سیراتۆ ل گه‌ل ترۆمبێله‌كا شۆفرلێت ئیكو نوكس، د ئه‌نجام دا كه‌سه‌كی گیانێ خوه ژ ده‌ست دا و دو كه‌س ژی بریندار بوون و زیانێن مادی ژی گه‌هشتنه هه‌ردو ترۆمبێلان”.
ناڤهاتی داخواز ژ شۆفێران كر كو پێگریێ ب رێنما و هێمایێن هاتنوچوونێ بكه‌ن و له‌زاتیێ بكار نه‌ئینن، داكو دووری روودانێن ترافیكی بن.
