سێ زمانزانێن دهۆكێ بوونه ئه‌ندامێن ئه‌نستیتوویا كوردی یا پاریسێ
ئه‌ڤرۆ:
ئه‌نستیتوویا كوردی یا پاریسێ د نڤێسینه‌كێ دا، سێ زمانزانێن دهۆكێ ئاگه‌هدار دكه‌ت كو پشتی خزمه‌تێن مه‌زن و به‌رچاڤ پێشكێشی زمانێ كوردی كرین، لایق هاتینه دیتن كو ببنه ئه‌ندامێن ئه‌نستیتوویا كوردی یا پاریسێ، كو ئه‌و ژی دختۆر فازل عومه‌ر سالح، سه‌رنڤیسكارێ رۆژناما ئه‌ڤرۆ، پ. د. عه‌بدولوه‌هاب خالد موسا و دختۆر له‌زگین چالی نه.
دیسا د وێ نڤێسینا ئه‌نستیتوویێ دا هاتیه: ئه‌م دخوازن وه ب دله‌كێ گه‌رم و سه‌رفراز ئاگه‌هدار بكه‌ین كو هوون لایق هاتینه دیتن كو ببنه ئه‌ندامێن ئه‌نستیتوویا كوردی یا پاریسێ، ئه‌ڤه ده‌مه‌كێ درێژه كو ئه‌م هه‌ڤ ناس دكه‌ین، مه ب هه‌ڤره كار كریه. وه ب كه‌دا خوه یا پڕ گرانبها خزمه‌تێن مه‌زن و به‌رچاڤ پێشكێشی زمانێ كوردی كرینه. ژ به‌ر ڤێ ژی هوون گه‌له‌كی ب خێر بهێنه ناڤ مالا ئه‌نستیتوویێ.
خویا ژی كریه كو د 18ێ ئیلۆنێ دا جڤینا كۆنسه‌یا چاند و زانستی یا ئه‌نستیتوویێ دێ هێته كرن. كۆنسه د جڤینێن خوه دا پێشنیارێن چالاكیان ژ بۆ سێ سالێن داهاتی ئاماده دكه‌ت و تیدا هاتیه: سه‌د مخابن كو ئه‌ڤ نێزیكاهیا دو سالانه كۆرۆنایێ ره‌وشا دنیایێ ته‌مامی گوهارتیه، ڤێ گاڤێ ژی ئه‌م نزانین كا ئه‌ڤ ره‌وش دێ چه‌ندی به‌رده‌وام به. ژ به‌ر هندێ ئه‌م دزانین هاتنا وه یا ژ بۆ ڤێ جڤینێ نه ممكونه. لێ ئه‌م گه‌له‌كی ب هێڤی نه كو وه د جڤینێن پێش مه ده ل پاریسێ ببینن. ب هیڤیا كو ئه‌م ب هه‌ڤڕا بكاربن كاری َخوه خورتر و كاراتر بكه‌ین.
