بهایێ چوونا عومرێ هاته دیاركرن
ئه‌ڤرۆ، نه‌وزاد هلۆری:
د چارچوڤێ پلانه‌كا گونجایی دا كو ل گه‌ل ره‌وشا دارایی یا وه‌لاتیان ب گونجیت، رێڤه‌به‌ریا گشتی یا حه‌ج و عومرێ ل هه‌رێما كوردستانێ بهایێ چوونا عومرێ دیار كر.
نه‌به‌ز ئیسماعیل، په‌یڤدارێ وه‌زاره‌تا ئه‌وقاف و كاروبارێن ئایینی یا حوكمه‌تا هه‌رێما كوردستانێ بۆ ئه‌ڤرۆ گۆت: “ب مه‌ره‌ما خزمه‌تكرن و كێمكرنا بارێ ل سه‌ر ملێن وان كه‌سێن دچنه گه‌شتا عومرێ بۆ وه‌لاتێ سعوودیێ، رێڤه‌به‌ریا گشتی یا حه‌ج و عومرێ یا هه‌رێما كوردستانێ بهایێ چوونا عومرێ كره هزار دۆلار”.
زێده‌تر گوت: “به‌ری نوكه بهایێ چوونا عومرێ هزار و 500 دۆلار یان پتر بوون، به‌لێ ژ ئه‌ڤرۆ وێڤه دێ ب گوره‌ی پلانه‌كا رێكخستی بیت و ژ وی بهایێ دیاركری نابۆریت، مه په‌یوه‌ندی ل گه‌ل ده‌سته‌یا بلند یا حه‌جێ ل عیراقێ و كۆمپانیێن فرۆكه‌ڤانیێن عیراقی و كۆمپانیێن تایبه‌ت كریه بۆ ڤه‌گوهاستنا عومره‌كارێن هه‌رێما كوردستانێ، ئه‌م دێ ل سه‌ر ساناهیكرن و كێمكرنا بهایێ گه‌شتێن عومرێ به‌رده‌وام بین”.
