ل دهۆكێ سكالا ل سه‌ر 14 پرۆژه‌یێن ئاكنجیبوونێ هاته تۆماركرن
دهۆك، له‌زگین جوقی:
رێڤه‌به‌رێ گشتی یێ چاڤدێری و گه‌شه‌پێدانا جڤاكی ل دهوكێ دیار كر، ل دووڤ به‌رنامێ چاكسازیێ كو ژلایێ سه‌رۆكێ حوكمه‌تا هه‌رێما كوردستانێ ڤه هاتیه راگه‌هاندن، وان ده‌ست ب زڤڕاندنا مال و مولكێ حوكمه‌تی كریه.
د. شێرزاد حه‌مید هروری، رێڤه‌به‌رێ گشتی یێ چاڤدێری و گه‌شه‌پێدانا جڤاكی ل دهۆكێ بۆ ئه‌ڤرۆ راگه‌هاند: “سكالا ل سه‌ر 14 پرۆژه‌یێن ئاكنجیبوونێ هاته تۆماركرن، هه‌موو ئه‌و پرۆژه‌یێن ئاكنجیبوونێ یێن داینگه‌ه بۆ حوكمه‌تا هه‌رێما كوردستانێ نه‌زڤڕاندین، هاتنه ئاگه‌هداركرن ل دادگه‌هێ به‌رهه‌ڤ بن و ب رێیا تۆماركرنا سكالایێ دێ داینگه‌هان بۆ حوكمه‌تێ زڤڕینن، له‌ورا ژی مه وه‌كو چاڤدێریا جڤاكی ل دهۆكێ سكالا ل سه‌ر 14 كۆمپانی و پرۆژه‌یێن ئاكنجیبوونێ تۆماركریه”.
گۆتژی: “پشتی مه هه‌موو بزاڤ كرین، مال و مولكێ حوكمه‌تێ بۆ حوكمه‌تێ ڤه‌گه‌ڕینین و بكه‌ڤنه د خزمه‌تا وه‌لاتیان دا، لێ پێگیر نه‌بوون و ل دووڤ داخوازیا مه نه‌هاتن، له‌ورا ئه‌م نه‌چاربووین بچینه دادگه‌هێ و سكالایێ ل سه‌ر تۆمار بكه‌ین”.
