پتری 777 هزار كه‌سان ل پارێزگه‌ها دهۆكێ مافێ ده‌نگدانێ یێ هه‌ی
ئه‌ڤرۆ:
به‌رپرسێ هه‌لبژارتنان ل لقێ ئێكێ پارتی دیموكراتی كوردستان دیار كر، ل پارێزگه‌ها دهۆكێ د خۆلا ئه‌ڤجاره یا هه‌لبژارتنێن ئیراقێ دا 86 هزار گه‌نجێن ژیێ وان گه‌هشتیه 18 سالان مافێ ده‌نگدانێ یێ هه‌ی.
خالد ئه‌حمه‌د، به‌رپرسێ هه‌لبژارتنان ل لقێ ئێكێ پارتی بۆ ئاژانسا خانی گۆت: “ل سنوورێ پارێزگه‌ها دهۆكێ 777 هزار و 140 كه‌سان مافێ ده‌نگدانێ یێ هه‌ی، دیسا 77 هزار كه‌سان كارتا خوه یا ده‌نگدانێ وه‌رنه‌گرتیه و هه‌كه هه‌تا دو حه‌فتیێن دی وه‌رنه‌گرن، ئێدی وان مافێ پشكداریێ د ده‌نگدانێ دا نامینیت”.
گۆتژی: “246 بنگه‌هێن ده‌نگدانێ و 1807 وێستگه‌هـ بۆ هه‌لبژارتنان دێ هێنه دانان”.
