پارێزگار بۆ بازڕگانان: نابیت گرانی و پاوانكاری د بازاڕی دا په‌یدا ببیت
ئه‌ڤرۆ:
پارێزگارێ دهۆكێ دگه‌ل بازرگان و ژۆرا بازرگانی ل دۆر چاره‌كرنا كێشێن بازرگانی كۆمبوون
د. عه‌لی ته‌ته‌ر، پارێزگارێ دهۆكێ دگه‌ل هژماره‌كا بازرگانان ب به‌رهه‌ڤبوونا رێڤه‌به‌رێ گۆمركا ئیبراهیم خه‌لیل و سه‌رۆكێ ژوورا بازرگانی و پیشه‌سازی یا دهوكێ كۆمبوو.
د كۆمبوونێ دا سه‌رۆكێ ژوورا بازرگانی و پیشه‌سازی یا دهۆكێ سۆپاسیا پارێزگارێ دهۆكێ كر كو چه‌ندین چاره بۆ چاره‌كرنا ئاریشێن بازرگانان و ئاسانكاریان بۆ پرۆسا بازرگانیێ دكه‌ت، بۆ هندێ گرانی و پاوانكاری د بازاڕی دا په‌یدا نه‌بیت.
پارێزگارێ دهۆكێ د كۆمبوونێ دا گۆت: “ئه‌ڤه چه‌ندین جاره ئه‌م دگه‌ل هه‌وه و لایه‌نێن په‌یوه‌ندیدار كۆمبووین بۆ رێكخستنا پرۆسا بازرگانی و پشكه‌كا داخوازیێن هه‌وه ل دووڤ یاسایێ ئاسانكاری هاتینه‌كرن و چاره‌سه‌ركرن، هیڤیدارین هوون ژی بازرگانیه‌كا راست و دروست ئه‌نجام بده‌ن كو د خزمه‌تا به‌رژه‌وه‌ندیا گشتی و وه‌لاتیان دا بیت”.
پاشی ب تێر و ته‌سه‌لی بازرگانێن به‌رهه‌ڤبووی كێشه و تێبینیێن خوه گه‌هاندنه پارێزگارێ دهۆكێ و ئه‌و بابه‌تێن نه‌هاتینه چاره‌كرن د كۆمبوونێ دا پارێزگارێ دهۆكێ لایه‌نێن په‌یوه‌ندیدار راسپاردن بۆ چاره‌كرنا ئاریشێن بازرگانان و بازرگانیێ.
