سه‌رۆكاتیا باژێرڤانیا دهۆكێ هۆشداریێ دده‌ته به‌ربژاران
ئه‌ڤرۆ:
سه‌رۆكاتیا باژێرڤانیا دهۆكێ ئاگه‌هداریا هه‌موو قه‌وارێن سیاسی و به‌ربژاران دكه‌ت ئه‌وێن تابلۆیێن خوه ل ناڤه‌ندا جادان و پاركێن گشتی داناین؛ د ده‌مێ دو رۆژان راكه‌ن.
سه‌رۆكاتیا باژێرڤانیا دهۆكێ، دوهی سێشه‌مبی 21/9/2021 راگه‌هاند: د هه‌وا هه‌لبژارتنان دا گه‌له‌ك تابلۆیێن به‌ربژارێن قه‌وارێن سیاسی ل ناڤه‌ندا جادان و پاركێن گشتی هاتینه دانان، ئه‌ڤه ژی بووینه ئه‌گه‌رێ نه‌ئاڤدانێ و هشكبوونا داروباری و كه‌سكاتی.
د وێ ئاگه‌هداریا سه‌رۆكاتیا باژێرڤانیا دهۆكێ دا هاتیه: هیڤیه د ماوێ دو رۆژان دا به‌ربژار ڤان تابلۆیان ل ناڤه‌ندا جادان و پاركێن گشتی راكه‌ن، ئه‌گه‌ر نه دێ نه‌چار بین ئه‌م ده‌ست ب راكرنا وان تابلۆییان بكه‌ین.
