ب گوژمێ‌ 245 ملیار دیناران پرۆژه‌ ل پارێزگه‌ها دهۆكێ‌ دهێنه‌ بجهئینان

ئه‌ڤرۆ:

وه‌زاره‌تا باژێرڤانیان و گه‌شت و گوزارێ‌ یا حوكمه‌تا هه‌رێما كوردستانێ‌ دیار كر، نوكه‌ ب تنێ‌ د كه‌رتێ‌ باژێرڤانیان دا ب گوژمێ‌ 245 ملیار دیناران پرۆژێن خزمه‌تگۆزاری ل سنوورێ‌ پارێزگه‌ها دهۆكێ‌ دهێنه‌ بجهئینان.

وه‌زاره‌تا باژێرڤانیان ئاشكرا ژی كریه‌ كو ب گوژمێ‌ 245 ملیار دیناران 69 پرۆژێن خزمه‌تگۆزاری د وارێ‌ دروستكرنا جادده‌ و شۆسته‌ و قێركرن و نووژه‌نكرن و كۆنكریتكرن و هنده‌ك جۆرێن دی یێن پرۆژان ل سنوورێ‌ پارێزگه‌ها دهۆكێ‌ دهێنه‌ بجهئینان.

ئاماژه‌ ب وێ‌ چه‌ندێ‌ ژی كریه‌ كو هنده‌ك ژ وان 69 پرۆژان یێن به‌ری نوكه‌نه‌ و ژ ئه‌گه‌رێ‌ قه‌یرانا دارایی یا ب سه‌ر هه‌رێما كوردستانێ‌ دا هاتی، كاركرن تێدا هاتبوو راوه‌ستاندن و نوكه‌ دوباره‌ ده‌ست ب تمامكرنا وان هاتیه‌ كرن، دیسا هنده‌ك ژ وان ژی د كابینا نه‌هێ‌ یا حوكمه‌تا هه‌رێما كوردستانێ‌ دا بڕیارا بجهئینانا وان هاتیه‌دان و نوكه‌ كار ل سه‌ر دهێته‌ كرن و هنده‌ك پرۆژه‌ ژی تمام بووینه‌ و كه‌ڤتینه‌ د خزمه‌تا وه‌لاتیان دا.

کۆمێنتا تە