دژه‌تیرۆرا كوردستانێ هۆشداریێ ل دۆر ته‌قه‌یێن خۆشیێ دده‌ته وه‌لاتیان
ئه‌ڤرۆ:
دژه‌تیرۆرا كوردستانێ دوهی د په‌یامه‌كێ دا داخواز ژ وه‌لاتیان كر، د ده‌مێ راگه‌هاندنا ئه‌نجامێن هه‌لبژارتنان دا، ب چ شێوه په‌نایێ نه‌به‌نه به‌ر ته‌قه‌یێن خۆشیێ، ژ به‌ركو دبنه ئه‌گه‌رێ دروستبوونا مه‌ترسیێ ل سه‌ر ژیانا خه‌لكی، دیسا دیارده‌كا نه‌شارستانی یه و كاره‌ساتان د دووڤ خوه دا دئینیت.
دژه تیرۆرا كوردستانێ د پشكه‌كا دی یا په‌یاما خوه دا دیاركریه، كا چاوا د هه‌وا هه‌لبژارتنان وه‌لاتیان پێگری ب رێنمایان كر، هیڤیه ب هه‌مان شێوه پێگریێ ب رێكارێن ئێمناهیێ بن، هیڤیه هه‌ر د خۆشیان دابن، لێ بۆ ده‌ربڕینا خوه‌شیێن خوه رێكێن شارستانی بگرنه به‌ر.
ل دوماهیا په‌یاما خوه ژی دژه تیرۆرا كوردستانێ دوپاتكریه، كو ب چ شێوه ته‌قه‌یا خۆشیێ نه‌كه‌ن، ژ به‌ركو پاراستنا خه‌لكی ئه‌ركێ دژه تیرۆرێ یه.
