وهزارهتا دارایی بڕیارهكێ ل دۆر مامۆستایێن وانهبێژ ددهت
ئهڤرۆ:
وهزارهتا دارایی و ئابووری یا حوكمهتا ههرێما كوردستانێ گۆژمهكێ پێدڤی یێ پارهی بۆ مامۆستایێن وانهبێژ دیار كر و بڕیار دا ههر مامۆستایهكێ وانهبێژهك ههیڤانه 300 ههتا 450 هزار دیناران وهربگریت.
وهزارهتا دارایی و ئابووری یا حوكمهتا ههرێما كوردستانێ بڕیار دا گۆژمێ 300 بۆ 350 هزار دیناران وهكو مووچێ ههیڤانه بۆ مامۆستایێن وانهبێژێن دهرچوویێن پهیمانگههان بهێته دابینكرن.
دیسا ل دووڤ بڕیارا وهزارهتا دارایی و ئابووری یا حوكمهتا ههرێما كوردستانێ، مامۆستایێن وانهبێژێن دهرچوویێن زانكۆیان ژی ههیڤانه 400 بۆ 450 هزار دیناران وهكو مووچێ ههیڤانه دێ وهرگرن.
ئهڤه ژی ددهمهكی دایه كو ل رۆژا ئێكشهمبی 17/10/2021 وهزیرێ دارایی و ئابووری ل حوكمهتا ههرێما كوردستانێ، ب مهرهما چارهسهركرنا ئاریشا مامۆستایێن وانهبێژ، ل گهل وهزیرێ پهروهردێ و سهرۆكێ دیوانا جڤاتا وهزیران كۆمبوو.
