ژ بابێ خوه فێری سترانگۆتنێ بوویه
دهۆك، شاكر ئه‌تروشی:
سترانبێژ (سوزدار عه‌بدولمه‌ناف) كو خه‌لكێ باژێرێ قامیشلۆیه ل رۆژئاڤایێ كوردستانێ، د دیداره‌كێ دا بۆ رۆژناما ئه‌ڤرۆ دیاركر كو ئه‌و ل به‌ر ده‌ستێ بابێ خوه فێری سترانگۆتنێ بوویه، ل ده‌ستپێكێ بتنێ سترانێن فولكلۆری دگۆتن، لێ نوكه یێن سه‌رده‌م ژی دبێژیت و ب گۆتنا وی هه‌كه هاریكاریا وی بهێته كرن ئه‌و یێ به‌رهه‌ڤه هنده‌ك سترانان ل دهۆكێ تۆمار و كلیپ بكه‌ت.
ناڤاتی، كو ژ دایكبوویێ سالا 1986 یه، گۆت: بابێ من كو ل رۆژئاڤایێ كوردستانێ ب (بابێ فازل) ی دهێته نیاسین، سترانبێژه‌كێ به‌رنیاسێ كوچك و دیوانانه، هه‌تا نوكه ژی سترانێن فولكلۆری دبێژیت، ل پتریا شه‌ڤان مالا مه پری مێڤان بوون بابێ من ستران بۆ وان دگۆتن و من ژی ب هووری گوهداریا وی دكر و ب بۆرینا ده‌می، ئانكو ل 2002 من ژی ده‌ستپێكر و ل به‌راهیێ سترانێن فولكلۆری دگۆتن، لێ نوكه سترانێن سه‌رده‌م ژی دبێژم و چوویمه گه‌له‌ك ئاهه‌نگ و شه‌هیان و روونشتنێن تایبه‌ت، بۆ زانین ل سالا 2005 من كاسێته‌ك تۆماركر و سترانه‌ك دناڤدا هه‌بوو ب ناڤێ (نه‌سرین) ئه‌ز گه‌له‌ك پ وێ سترانێ به‌رنیاس بووم و من ل به‌ره سترنه‌كێ یان پتر كلیپ بكه‌م، لێ نوكه وه‌ك په‌نابه‌ر ئه‌ز ل دهۆكێ دژیم و كه‌سێ نانیاسم، لێ هه‌كه هاریكاریا من بهێته كرن ئه‌ز یێ به‌رهه‌ڤم و ستران ژی دحازرن.
