سه‌رماوز: حه‌زژێكه‌رێن ستایلێ من هێشتا یێن ماین
دهۆك، هه‌رهین محه‌مه‌د::
شێوه‌كارا گه‌نج سه‌رماوز كه‌مه‌كی، د دیداره‌كێ دا بۆ رۆژناما ئه‌ڤرۆ دیاركر كو نوكه ئه‌و مژوولی چێكرنا كه‌ڤاله‌كی یه بۆ خولا دوبێ یا گه‌له‌ریا چالاكێن قوتابخانان ل دهۆكێ.
ناڤهاتیێ گۆت: من ستایلێ خوه یێ تایبه‌ت هه‌یه و كه‌ڤالان ب ده‌زی چێدكه‌م، به‌لێ گه‌له‌ك جاران من ب گه‌له‌ك كه‌ره‌ستان كاركریه و من كرینه كه‌ڤال و هه‌ر هزره‌كا بۆ من چێبیت دكه‌مه كه‌ڤال نه كو ئیلا گرێدایی ستایلێ من یێ ده‌زی یێ تایبه‌ت بیت و هه‌تا نوكه حه‌زژێكه‌رێن ستایلێ من یێن ماین و هێشتا هنده‌كا نه دیتیه و یێن دین ژی گه‌له‌ك یا حه‌زژێكری ب تایبه‌ت یێن ژده‌رڤه‌ی وه‌لاتی دهێن و ده‌ستخۆشیێ ل من دكه‌ن و دبینن كارێ من یێ ب زه‌حمه‌ته، به‌لێ جوانیه كا زێده هه‌یه و سۆشیال میدیایێ گه‌له‌ك مفای ژێ دبینم، چونكو هه‌ر مێشكه‌كی هزره‌ك تێدایه و هه‌ر هزره‌كێ ژی تشته‌كێ جودا یێ هه‌ی و مرۆڤ دشێت ب شاشه‌یا مۆبایلێ جیهانێ هه‌موویێ بینت و مفای ژ هزرو بیرێن وان وه‌رگریت و دبیته رێخۆشكه‌ره‌ك مرۆڤ تشتێ جودا دبینت و پشتی سۆشیال میدیا ده‌ركه‌فتی گه‌له‌كه مفای ژێ دبینم وه‌كو كارێ خوه تێدا به‌لاڤ دكه‌م و حه‌زژێن كارێ من داخوازیان دكه‌ن.
