لیستا خانه‌نشین و كێم ئه‌ندامێن سه‌نگه‌ری دێ هێته ڤاڤارتن
هه‌ولێر، قائید میرۆ:
د چارچوڤێ پڕۆسا چاكسازیێ دا لیستا خانه‌نشینێن سه‌ربازی و كێم ئه‌ندامێن سه‌نگه‌ری دێ هێته ڤاڤارتن و سه‌رۆكێ لژنا پێشمه‌رگه‌ی ژی ل په‌رله‌مانێ كوردستانێ دبێژیت: هه‌ر كه‌سه‌كێ ل گوره‌ی قانوونێ ماف نه‌بیت ناڤێ وی دێ هێته لادان.
رێڤینگ هرۆری، سه‌رۆكێ لژنا پێشمه‌رگه‌ی بۆ رۆژناما ئه‌ڤرۆ دیار كر، هه‌ژماره‌كا لژنان ل وه‌زاره‌تا پێشمه‌رگه‌ی مژوولی چاكسازیێنه د كه‌رتێ سه‌ربازی دا ژ وان ژی، بابه‌تێ خانه‌نشین و كێم ئه‌ندامێن سه‌نگه‌ری و گۆت: “دوباره لژنه‌یێن پشكنینێ بۆ كێم ئه‌ندامان هاتینه پێكئینان و هه‌ر كه‌سه‌كێ رێژه‌یا پێدڤی نه‌بیت یا كێم ئه‌ندامیێ ناهێته تۆماركرن وه‌كی كێم ئه‌ندامێ سه‌نگه‌ری و ناڤێ وی دێ هێته لادان”.
رێڤینگ هرۆری گۆتژی: “پڕۆسا پاقژكرنا لیستا خانه‌نشینان ژی هاتیه ده‌ستپێكرن و به‌ری نوكه ئه‌ڤێن پله بلند چاكسازی بوو هاتیه‌كرن و ئه‌ڤێن پله‌یێن وان ل خوارێ ژی دێ لیسته هێنه ڤاڤارتن و هه‌ر كه‌سه‌كێ ل گوره‌ی قانوونێ خزمه‌تا دروست نه‌بیت ناهێته خانه‌نشینكرن و ناڤێ وی دێ ژ لیستێ هێته ده‌رئێخستن، ئه‌ڤه ژی پڕۆسه‌یه‌كا به‌رده‌وامه و ئه‌م ژی چاڤدێریێ ل سه‌ر دكه‌ین”.
