قشلا ئاكرێ ل سه‌ر شێوێ وێ یێ كه‌ڤن دێ هێته نووژه‌نكرن
ئه‌ڤرۆ:
د. بێكه‌س بریفكانی، رێڤه‌به‌رێ شوونواران ل پارێزگه‌ها دهۆكێ دیار كر كو ده‌ست ب نووژه‌نكرنا قشلا ئاكرێ دێ هێته كرن و دبێژیت: نوكه كسل یا دهێته به‌رهه‌ڤكرن و ل سه‌ر هه‌مان شێوازێ به‌رێ دێ هێته نووژه‌نكرن.
رێڤه‌به‌رێ شوونواران ل پارێزگه‌ها دهۆكێ ئاشكرا ژی كر كو د پاشه‌رۆژێ دا وان ل به‌ره دو مۆزه‌خانان د ناڤ قشلا ئاكرێ دا دروست بكه‌ن و گۆت: “هه‌كه بودجه هه‌بیت، دێ كارێ هندێ كه‌ین، كو ل ده‌مه‌كی گه‌له‌ك فه‌رمانگه‌هێن میری د ناڤ دا بوون، هنده‌ك ژووران وه‌كی به‌ری دێ لێ كه‌ین، بۆ نموونه ژۆرا قایمقامی و په‌یكه‌رێ ئێكه‌م قایمقام دێ لێ دانین و گه‌له‌ك كارێن دی”.
د. بێكه‌س بریفكانی بۆ ئاژانسا خانی گۆت: “وه‌زاره‌تا باژێرڤانی و گه‌شتوگوزارێ یا حوكمه‌تا هه‌رێما كوردستانێ گوژمێ 166 ملیۆن دینار بۆ نووژه‌نكرنا قشلا ئاكرێ ته‌رخانكرینه”.
