هه‌ژماره‌كا لژنان دێ دووڤچوونا پڕۆژێن وه‌به‌رهێنانێ كه‌ن
هه‌ولێر، قائید میرۆ:
بڕیاره هه‌ژماره‌كا لژنان ژلایێ په‌رله‌مانێ كوردستانێڤه سه‌ره‌دانا پڕۆژێن وه‌به‌رهێنانێ بكه‌ن و ئه‌ندامه‌كا لژنا وه‌ره‌به‌رهێنانێ ژی ل په‌رله‌مانێ كوردستانێ دبێژیت: ئاریشه ل سه‌ر هنده‌ك پڕۆژان هه‌نه ب تایبه‌تی گرێبه‌ستێن پڕۆژان و پێدڤیه بهێنه چاره‌سه‌ركرن.
سارا دلشاد، ئه‌نداما لژنا وه‌به‌رهێنانێ ل په‌رله‌مانێ كوردستانێ بۆ رۆژناما ئه‌ڤرۆ دیار كر، لیژنا ئاڤاكرن و وه‌به‌رهێنانێ كۆمبوونه‌ك ئه‌نجامدایه و تێدا ب هووری به‌حسێ پڕۆژێن وه‌به‌رهێنانێ و ئاریشه‌یێن كه‌رتێ وه‌به‌رهێنانێ هاتینه به‌حسكرن و گۆت: “بڕیار هاتیه‌دان هه‌ژماره‌كا لیژنان بۆ دووڤچوونا پڕۆژێن وه‌به‌رهێنانێ بهێنه پێكئینان و ل چه‌ند رۆژێن داهاتی ئه‌و لیژنه دێ سه‌ره‌دانا پڕۆژێن وه‌به‌رهێنانێ كه‌ن، ب تایبه‌تی ئه‌و پڕۆژێن ئاكنجیبوونێ یێن وه‌لاتیان پشكداری تێدا كری”.
سارا دلشاد گۆتژی: “په‌رله‌مان دێ ڤه‌كۆلینێ ل دۆر گرێبه‌ستێن وه‌به‌رهێنانێ و ئاریشه‌یێن وه‌لاتیان دگه‌ل پڕۆژێن وه‌به‌رهێنانێ كه‌ت، چونكو خه‌لكه‌كێ زۆر یه‌كه‌یێن ئاكنجیبوونێ ژ كۆمپانیان كڕینه و ئاریشه تێدا هه‌نه، له‌وڕا ئه‌م دێ بزاڤان كه‌ین دگه‌ل لایه‌نێن په‌یوه‌ندیدار ئه‌ڤان ئاریشه‌یان چاره‌سه‌ر بكه‌ین و كێماسیێن هه‌ی د بیاڤێ وه‌به‌رهێنانێ دا بهێنه چاره‌سه‌ركرن”.
