نڤیسه‌ر و ڤه‌كۆله‌ر خدر پیر سلێمان وه‌غه‌را دووماهیێ كر
ئه‌ڤرۆ:
خدر پیر سلێمان یێ به‌رنیاس ب (پیر خدر) نڤیسه‌ر و ڤه‌كۆله‌ر و كه‌سایه‌تیێ دیارێ ئێزدی و سه‌رۆكێ ئێكێ یێ بنگه‌هێ لالش یێ ره‌وشه‌نبیری و جڤاكی دوهی 15/11/2021 د ژییێ 69 سالیێ دا وه‌غه‌را دووماهیێ كر.
پیر خدر سلێمان نڤیسه‌ر و كه‌سایه‌تیێ كلتووری و جڤاكی یێ دیار، دیسا كه‌سه‌كێ شاره‌زایێ بیاڤێ ئایینێ ئێزدیاتیێ بوو، ل ده‌ڤه‌رێ رۆله‌كێ باش هه‌بوو.
پیر خدر سلێمان ل ساله 1952 ل شێخان ژدایك بوویه و خودان باوه‌رناما زمانێ كوردیێ بوو، ل سالا 1970 خواندنا خوه یا ئاماده‌یی ل ده‌ڤه‌رداریا شێخان ب دووماهی ئینایه، ل سالا 1974 هه‌تا 1975 وه‌كو وه‌رگێڕ و كارمه‌ندێ رادیویا ده‌نگی كوردستان بوو، دیسا ل سالا 1977 بوویه مامۆستایێ زمانێ كوردی ل ده‌ڤه‌را شێخان.
پیر خدر سلێمان ل سالا 1979 بوویه ئه‌ندامێ ئیكه‌تیا نڤیسه‌رێن كورد و ل سالا 1991ێ هه‌تا سالا 1997ێ سه‌رۆكێ ئیكه‌تیا نڤیسه‌رێن كورد تایێ دهۆكێ بوو، ل سالا 1992ێ بوویه سه‌رۆكێ بنگه‌هێ لالش یێ ره‌وشه‌نبیری و جڤاكی و هه‌تا سالا 1997ێ سه‌رۆكێ بنگه‌هێ لالش بوویه، پاشی ل سه‌ر فراكسیۆنا پارتی دیموكراتی كوردستان بوویه ئه‌ندامێ په‌رله‌مانێ كوردستانێ.
پیر خدر سلێمان چه‌ندین به‌رهه‌مێن چاپ و به‌لاڤكری هه‌نه، ژ وان ژی: (گوندیاتی، ئێزدیاتی ل به‌ر رۆشنایا تێكستێن پیرۆز، كولیلكا نیسانێ…).
