بانده‌كێ بازرگان و ب كارئینه‌رێن مادده‌یێن هۆشبه‌ر ل زاخۆ هاته ده‌سته‌سه‌ركرن
زاخۆ، عه‌لی حاجی:
ئاسایشا زاخۆ ب هه‌ڤكاری دگه‌ل پۆلیس و پاراستنا زاخۆ شیان حه‌فت كه‌سان ژ بازرگان و ب كارئینه‌رێن مادده‌یێن هۆشبه‌ر كو سێ جۆرێن مادده‌یێن هۆشبه‌ر ژی د گه‌ل دا بوون ده‌سته‌سه‌ر بكه‌ن.
ڤه‌كۆله‌ره‌كی ل ئایساشا زاخۆ كو نه‌دخواست ناڤێ خوه ئاشكه‌را بكه‌ت بۆ رۆژناما ئه‌ڤرۆ گۆت: “د كاره‌كێ هه‌ڤپشك دا د ناڤبه‌را رێڤه‌به‌ریێن ئاسایش و پۆلیس و پاراستنا زاخۆ دا، ئه‌م شیاین حه‌فت كه‌سان ژ ب كارئینه‌ر و بازرگانێن مادده‌یێن هۆشبه‌ر ده‌سته‌سه‌ر بكه‌ین”.
ناڤهاتی زێده‌تر گۆت: ” دگه‌ل وی باندێ هاتیه ده‌سته‌سه‌ركرن، سێ جۆرێن مادده‌یێن هۆشبه‌ر ژ جۆرێن (كریستال، تریاك و هێروین) هه‌بوون، زێده‌باری وێ چه‌ندێ ژی ده‌ست ب سه‌ر هه‌ژماره‌كا زێده یا چه‌ك و ته‌قه‌مه‌نی و چه‌ندین كه‌لوپه‌لێن وانێن دیتر و ترۆمبێله‌كێ ژی دا هاتیه گرتن”.
وی ڤه‌كۆله‌رێ ئایساشا زاخۆ ئاشكرا ژی كر كو ئه‌و كه‌سێن هاتینه ده‌سته‌سه‌ركرن هه‌موو خه‌لكێ ده‌ڤه‌رێ بووینه و ل دووڤ یاسایێ سه‌ره‌ده‌ری د گه‌ل دا دێ هێته كرن.
