پشتی ژ دەست دانا رەبیعە داعش دو ھزار کچێن ئێزدی فرۆتن
شێخان، بارزان مزووری:
ژێدەرەکی ژ رێکخراوا چەکدارێن ئازاد ل ناڤ باژێرێ مووسل بۆ ئەڤرۆ نیوز دیار کر کو پشتی ئازادکرنا باژێرێ رەبیعە ب تەمامی ل ٢/١٠ ژ چەکدارێن تیرورستێن داعش دو ھزار کچێن ئێزدی برینە بازارێ “سەبایە” ل ناڤ باژێرێ مووسل ھەر ئێک ژ وان ب ٢٠٠ ھزار دینارێ عیراقی د فرۆشن.
ئەڤی ژێدەرێ مە ب باشی زانی ناڤێ وی ئاشکەرا نەکەین دیار کر کو کەسەکێ زەنگین و ب ناڤودەنگێ مووسل ٤٠ کچ ژ داعش کرین بۆ مالا خوە برن دا کو رادەستی مالباتا وان بکەت.
ناڤبری دیار کر کو چەکدارێن تیرورستێن داعش ئەڤرۆ ٢/١٠ کەفتینە د رەوشەکا خراب دا ژ بەر ژ دەست دانا ناحیا رەبیعە.
