ده‌ست ب دروستكرنا جووتسایدێ كۆمه‌لگه‌ها مه‌هه‌تێ هاته كرن
شێخان، بارزان مزووری:
سه‌رۆكێ باژێرڤانیا كۆمه‌لگه‌ها مه‌هه‌تێ بۆ رۆژناما ئه‌ڤرۆ دیار كر، پشتی حه‌فت سالان ژ بڕیارا دروستكرنا پرۆژێ جووتسایدێ كۆمه‌لگه‌ها مه‌هه‌تێ، ژ نوو ده‌ست ب كاری د وی پرۆژه‌ی دا هاته كرن.
ئه‌ندازیار سه‌میر به‌ده‌ل، سه‌رۆكێ باژێرڤانیا كۆمه‌لگه‌ها مه‌هه‌تێ خویا كر، به‌ری حه‌فت سالان بڕیار هاتبوو دان كو جووتسایدێ كۆمه‌لگه‌ها مه‌تێ وه‌كو شایسته‌یێن ده‌ڤه‌رداریا شێخان ژلایێ ئیدارا پارێزگه‌ها نه‌ینه‌واڤه بهێته دروستكرن، به‌لێ ژ به‌ر شه‌ڕێ داعشێ پرۆژه هاتبوو راوه‌ستاندن و گۆت: “حوكمه‌تا ئیراقێ ژی یا بێده‌نگ بۆ به‌رامبه‌ر هنارتنا پارێ ڤی پرۆژه‌ی، لێ ب بزاڤێن ئیداره‌یا شێخان و باژێرڤانیا زێلكان دوباره بڕیار ل سه‌ر دروستكرنا ڤی پرۆژه‌ی هاته دان و گوژمێ ملیاره‌ك و 500 ملیۆن دینار بۆ هاتینه ته‌رخانكرن”..
ناڤهاتی ئاشكرا ژی كر، درێژاهیا پرۆژه‌ی دو كیلۆمه‌تر و 400 مێترن، نوكه كار ل سه‌ر دهێته كرن و گۆت: “ل ده‌ستپێكێ سایده‌ك دێ هێته دروستكرن و سایدێ به‌رێ ژی دێ هێته نووژه‌نكرن و قێركرن و رۆناهی ژی ب ره‌نگه‌كێ جوان دێ بۆ هێته دابینكرن”.
ناڤهاتی گۆتژی: “زێده‌تر ژ 10 دوكانێن وه‌لاتیان كه‌فتینه به‌ر پرۆژه‌ی و خودانێن وان هاتینه قه‌ره‌بووكرن”.
