دو تاوانبارێن دۆلارێ سه‌خته هاتنه ده‌سته‌سه‌ركرن
ئه‌ڤرۆ:
په‌یڤدارێ رێڤه‌به‌ریا پۆلیسێن پارێزگه‌ها دهۆكێ دیار كر، وان ل نڤێسینگه‌ها نه‌هێلانا گونه‌هباریا یا شێخان دو تاوانبار ده‌سته‌سه‌ركرینه كو ئاكنجیێن پارێزگه‌ها هه‌ولێرێ نه، ب هه‌ڤپشكی دگه‌ل تاوانباره‌كێ پارێزگه‌ها نه‌ینه‌وا، وان ڤیایه دۆلارێ‌ً سه‌خته بیننه د ناڤ پارێزگه‌ها دهۆكێ دا.
هێمن سلێمان، په‌یڤدارێ رێڤه‌به‌ریا پۆلیسێن پارێزگه‌ها دهۆكێ ئاشكرا كر، وان تاوانباران گوژمه‌كێ كێم ژ دۆلارێ سه‌خته مه‌زاختیه و بزاڤ كرینه گوژمێن مه‌زن یێن دۆلارێ‌ً سه‌خته بیننه د ناڤا سه‌نته‌ر و قه‌زایێن پارێزگه‌ها دهۆكێ دا.
ناڤهاتی بۆ ئاژانسا خانی گۆت: “ل ده‌مێ ده‌سته‌سه‌ركرنا وان تاوانباران زێده‌تر ژ هزار دۆلارێن سه‌خته د گه‌ل دا بوون و وان دانپێدانێن خوه دا دیاركریه، وان ڤیایه نێزیكی 200 هزار دۆلارێن سه‌خته بمه‌زێخن”.
