رێڤه‌به‌ره‌ك: دچالاكی و پێشانگه‌هان دا ئاستێ قوتابی بلند بیت و ئاره‌زویا وان تێدا دیاردبیت
ئه‌ڤرۆ، هه‌رهین محه‌مه‌د:
رێڤه‌به‌رێ چالاكێن قوتابخانان ل دهۆكێ ئاشكه‌را دكه‌ت كو ئه‌نجامدانا چالاكێن هونه‌ری وه‌رزشێ قوتابی پتر حه‌زژ خاندنێ و قوتابخانێ دكه‌ت و دیسان ئاستێ وان یێ خاندنێ بلند تر لێ دهێت و به‌رامبه‌ر رێڤه‌به‌رێ قوتابخانا پیره‌مه‌گرون دبێژت: ڤه‌كرنا پێشانگه‌ه و چالاكیان زانست و هونه‌ری هرێن نوی بوقوتابیان چێدبن و ئارازویا وان تێدا دیاردبیت.
دلشاد فاروق، رێڤه‌به‌رێ قوتابخانا پیره‌مه‌گرون یا بنه‌ره‌ت دیداره‌كێ دا بۆ به‌رپه‌رێ په‌روه‌رده زانكۆ گۆت: ئه‌م وه‌كو كارگێریا قوتابخانا پیره‌مه‌گرون ل گه‌ل ده‌سته‌یا ماموستایان رابووین ب ئه‌نجامدانا چالاكیه‌كا هونه‌ری و زانستی بۆ قوتابیان دناڤ باخچێ قوتابخانێ دا و مه‌ره‌م ژ ئه‌نجامدانا ڤێ چالاكیێ ژبۆ بلندكرنا ئاستێ قوتابیان بوویه و هه‌ردیسان كارێ خوه بۆ هه‌ڤال و ماموستایان شرۆڤه‌كرن و هه‌ردیسان دویركه‌فتنه‌كه ژ كه‌ش و هه‌وایێ پولێ بۆ ده‌رڤه‌ی پولێ و پتر دبیته پشته‌ڤانی كو پتر ئاستێ قوتابیان بلند بیت و ئابدێتكرنا مێشكێ قونتبیانه و دێ قوتابی ژی پتر حه‌زژ وانه وپولا خوه دێ كه‌ت چالاكیێ جوداهیا خوه هه‌یه ل گه‌ل فیسته‌ڤالان، ژبه‌ركو فیسته‌ڤال به‌رفره‌هتره و پتر بابه‌ت تێدا دهێن نیشادان، به‌لێ چالاكی پتنێ بابه‌ته‌ك هه‌تا دو بابه‌ت تێدا دهێنه نیشاندان و گه‌له‌ك یا گرنگه هه‌ردو هه‌یڤان جاره‌كێ چالاكێن ب ڤی ره‌نگی بهێنه ئه‌نجام دان و ئه‌ڤ چالاكیه چ كارێن هونه‌ری و زانستی و كه‌لتۆری بن، یان ئه‌نجامدانا به‌ریكانێن زانستی بن.
رێڤه‌به‌رێ قوتابخانا پیره‌مه‌گرون ئه‌وچه‌نده‌ژی گۆت: ژبۆ ئه‌نجامدانا چالاكێن هونه‌ری و زانستی قوناغ ژ قوناغێ جودایه، به‌لێ ژبۆ قوناغا سه‌ره‌تایی گه‌له‌ك یاگرنگه، چونكه قوتابیێ سه‌ره‌تایی هه‌كه ژ بیت و پێنچ خوله‌كان پتر دوانێ دابیت ناوه‌رگریت و هه‌كه ئه‌ڤ چالاكیه بهێنه‌كرن دێ پتر گێولێ قوتابی ل بابه‌تێن قوتابخانێ ده‌ت و دی َهزرێن نوی بۆ چێبن ل سه‌ر هه‌ربابه‌ته‌كی و دیسان ئه‌نجامدانا ڤان جوره چالاكیان ژی ئاره‌زویا هه‌رقوتابیه‌كی دیاردبیت و مرۆڤ دزانیت كا كیژ زارۆ حه‌زژ كیژ بابه‌تی دكه‌ت.
بێوارعه‌لی بداخ، رێڤه‌به‌رێ چالاكێن قوتابخانان بۆ به‌رپه‌رێ په‌روه‌رده‌و زانكۆ گۆت: ئه‌ڤ ساله مه دو چالاكی ئه‌نجامداینه ئێك ژوان چالاكیه‌ك ل سه‌ر ئاستێ ماموستایان بوویه كو چل و ئێك ماموستا تێدا پشكدارببوون و یا دی ژی فیسته‌ڤالا شانویێ ل سه‌ر ئاستێ هه‌رێمێ قوتابێن قوتابخانا پیره‌مه‌گرون بوون مه برنه فیسته‌ڤالێ بۆ ده‌مێ چار رۆژان ل سلێمانیێ و ئه‌ڤ جوره چالاكیه گه‌له‌ك دگرنگن بۆ قوتابیان ب تایبه‌تی بابه‌تێ هونه‌ر و وه‌رزش و ئه‌ڤ بابه‌ته پتر قوتابی هانده‌ت حه‌زژ قوتابخانێ بكه‌ن زێده‌تر ژی گۆت: به‌رنامه و پلانێن مه گه‌له‌ك و ئه‌م یێ ل هیڤێ جێبه‌جێه‌ین و مه لبه‌ر ئه‌و شانوگه‌ریا ل سلێمانیێ هاتیه ئه‌نجامدان ل دهۆكێ ژی بهێته نه‌مایشكرن و هه‌ردیسان هنده‌ك پێشانگه‌ها بۆ قوتابیان ڤه‌كه‌ین و هه‌روه‌سا وێ فیسته‌ڤال و پێشانگه‌ها شێوه‌كاری ئه‌نجامده‌ین یا كو هه‌موو قوتابخانه تێدا پشكداردبن ڤه‌كه‌ین.
